بنات ابغى حل لولدي تعبت ساعدوني

اولا السلام عليكم

بادخل في الوضوع على طووول انا ولدي في ثاني ابتدائي وهو ماشاء الله تبارك الله طويل مررره يعني الي يشوفه يحسبه في خامس او رابع

الموهم كل يوم يجي من المدرسه كل جسمه طقوق وكدمات ولمن اساله يقول مدري او نسيت واذا كلمت المدرسه يصير احد من الاولاد طاقه

المشكله الي مجننتني ان ولدي يخاف وشخصيته ضعيفه مرره يعني مستحيل يدافع عن نفسه عجزت فيه درسته ودخلته دفاع عن النفس ولا فاد

هو ملقوف ومقروود في نفس الوقت يحارش ويتكلم وعاد الاولاد ماعندهم وقت يكفخونه بعد هاذا وهو في اهليه اجل لو حكوميه وش بسوي

الي متعبني ومجنني انه حتى في البيت صاير مقرووود كل يوم ينرفزني ومايسمع الكلام واضربه ضرب شديد بعدين اتحسف

اليوم جاء من دوره في نفس المدرسه فيها دفاع عن النفس وسباحه جاء جسمه كله طقوق وجروووح سالته قال طايح حسيت انه يكذب وقمت عليه وضريته ضرب بدون ماحس وقالي اني امزح مع ولد في الباص وجاء اخوه الكبير وضربني

اسفه طولت عليكم بس ابي افضفض عندي مشاكل عائليه وحطيت حرتي في ولدي والله قلبي يتقطع لمى اتذكر شلون اضربه بكل قوتي

تكفون الي تقدر تساعدني كيف اخلي شخصيه ولدي قويه

يارب الي ترد ان الله يوفقها ويسعدها ويسخر لها زوجها ويخليلها عيالها ويرزقها الذريه الصالحه يارب