بنات ابغى لوسمحتوا محل يبيع فساتين سهره لبنوتات .........

شوفي حبيبتي الحريبي في المتنبي

أظنها ثلاث محلات وقريبة من بعض ...

ومحل الشماس بالعثيم مول ...

وأكثر من محل بالمجد فيه أول ما تدخلين

من بوابة أربعة ثاني محل على يدك اليمين ...

وفيه محل بالعليا بس ناسية اسمه ...

والله يرعاكِ ...

بعدي والله عزالله انكم ماقصرتوا
ومشكورين على المرور والتفاعل والله يعيني على اللفه على هاالمحلات بس بنات يكون معها قبع الفساتين لان بنتي ماتبغى الافستان ومعه قبعه تبعه؟؟
مشكوره عزيزتي موف لاكن الاميرات هذا وينه فيه اذا ممكن تقولين معليش ثقلت عليك
تقبلوا وافر تقديري واحترامي.....

فيه كم محل بطيبه حلووييين والله...
....

بنت صديقتى كانت لابسه فستان تفاحي ووردي كذا خامه من تلا ت واورغنزات
وفيه طباعه براتز
ومشغول بكرستالات روعه الفستان غريب مره
وسالته قالت من الفخر !!!
استغربت انه من هناك وعلى فكره هو مستعمل ..
وتقول انه من مصممه ملابس اطفال بس مدرى وييييين
الظاهر من دبي ..
وانا سمعت عن مشغل قريب من الماريوت اذا مب غلطانه للبنوتات

سلام شوفي حبيبتي فيه مشغل يبدو ان اسمه ليلك كان ماني غلطانه وهو في طريق الامير عبدالله قبل الاشارة اللي تودي لأيكيا القديم سابقاً يجيك على اليسار جنب حل خدمات الطالب الجامعي تفصل فساتين غريبة ومبتكرة للأطفال وتحط لك ألوان وموديلات متناسقة للأطفال الأقارب يعني لو كنتو مجموعه انتي وبنات اخواتك مثلا تخلي الزي متقارب مع اختلاف بسيط في التصاميم يعني يتميزون الاطفال من جهة أهل العروس أو المعرس انا ماشفتها بس سمعت عنها وبصراحة كنت ناويه اروح لها يوم زواج اختي بس هونت في آخر لحظة لظروف خاصة، روحي شوفيها وقولي لنا رايك، واذا تبين جاهز فيه هارفي نيكولز في الفيصلية عنده سهرة أطفال تأخذ العقل بس غالية مرة، ممكن تشوفينها وتفصلين زيها، وها اليومين كنت رايحة سوق المجد بجيب غرض للبيت بصراحة لفت نظري فستان في محل المحل مرة خايس وبضاعته مو ذاك الزود بس في الفترينه فيه فستان مو من مستوى المحل بصراحة وهو تافتا كاروهات ومركب معاه تل من تحت شكله حلو واكيد سعره معقول بس المقاس يمكن يلبس 10 سنين ما ادري اذا متوفر مقاسات وألوان أو لا، وهو من مدخل رقم 4 خامس أو سادس محل على اليسار يبيع سهرة أطفال وبالتوفيق حبيبتي