بنات ابغى مشورتكم

مساء الخير خواتي عندي مشكله وحابه بعد افضفض
انا متزوجه والحمدلله
زوجي حبيب وكريم واخلاق بس اذا قلت له طلعني مشني يقول مااقدر اروح انا وياكم اتعب وفيني عين
راحت السنين وانا ساكته وماكله تبن
بالحسره نطلع معه
واذا قلت ابروح للمول يعذبني مايوافق للعلم اني شايلته عن الارض ومخليته فوق كفوف الراحه
المشاوير البعيده الي في العليا اروح بسواق بالاجره وولدي معي على بالي محرم
ماوده زوجي بس جبرته مااحب اروح مع اهلي كل على قده سيارته
يعني بديت اكره زوجي من تصرفاته
فيه سلبيات اهمها انه قروي مايحب يتجدد ولا له طموح يعني دافن نفسه مع ربعه واصدقائه قراوى مثله اربعه وعشرين ساعه في استراحه تجيب الهم
واذا طلع وشاف شي حلو غريب يتنح ويقول ماتوقعت فيه زي كذا
يعني مايروح لفنادق مايسافر مايشوف الدنيا مايروح لماطاعم على مستوى
احسه مسكين على وجهه
والسبب يقول ماله داعي نسف فلوس على الطل للعلم انه يحب هذا الشي بس مايدور عليه
عكسي تمام
انا وعيالي وبناتي نحب الاشياء الحلوه الغريبه نحب السفر نحب الفنادق نحب المطاعم الفخمه
للعلم حتى اهلي مثلي وخواتي وازواجهم الا انا يابنات
انا طبيعيه والا مغروره
دايم يقول عني مغروره
اول ماتزوجته ناس غريبين مايعرفون شي ابد حتى خوانه وخواته يعني العصر الحجري صراحه
وماتغيرو مازالز على وضعههم
للعلم اخوه اعظم واعظم والله يابنات مايشترون خبزهم الامن البقاله ويحطونه في الفريزر يسخنون وياكلون انا ادري انه نعمه بس فيه شي اسمه مخبز
الدجاج مجمد مايشترون مبرد اصح واحسن
يعني في اشياء مايعرفون قراوى بمعنى الكلمه
حتى بيتهم واثاثهم وحياتهم ماتعجبني
مره رحت لاخته توني طالعه من النفاس على بالها عازمتني تصدقون يابنات جابت رز من برى وجريش وحطته مع بعض خلطت الحابل مع النابل في صحن واحد
وببسي وبس
ولا حلى قهوه ولا عشا مثل الناس وش معنى هذا
للعلم اذا زارووني احط لهم سفره تفتح النفس وحلويات تاخذ العقل
كذا اهلي وخواتي وحريم اخواني صراحه اهلي راقيين جدااااااااااااااا وسفرتهم واغراضهم تفتح النفس
بنات وش معنى هذا
زوجي يقول انتي ماترضين بالقليل
بيتي على مستوى كل غرفه للون واثاث عجيب
بيت اخو عادي جدااااااااااااااااااا جدااااااااااااااااا كل جه للون واذا جا عندنا يقول انتم تحبون الطهبله
وش رايكم يابنات للعلم انا ماارضى بالقيل ابد احب الفخفخه بس بحدود المعقول
يعني حنا حالتنا الماديه وسط مانتكلف بس نحب الزين والرفاهيه
بنات علموني الله يخليكم صرت احس ان كلامي زوجي صدق واحاول اني اصير بسيطه بس ارجع اتغير على طول اهون وارجع مثل طبيعتي
بنات انتم مثلي كذا تحبون الاشياء الحلوه والسناعه