كنت فيها رجعت من يومين
مررره غباار
بس تبقى هي ابها البهيه
واحلى صيفيه فيها

هالاسبوع كان غبار وبدأ يخف

الجو شمس حاره لكن درجة الحراره بالعشرينات وبالليل الجو جدا رووعه مو هذاك البرد

الملابس خليها صيفي واحتياط جاكيتات قطنيه خفيفه

وبخصوص الاماكن السياحيه

السوده فيها متنزهات وبالصيف يكون فيها خيمة تسوق والعاب ترفيهيه والتلفريك

وممكن تآخذون لكم يومين عالنماص وتنومه او الشقيق جهة البحر او جيزان فيها مجمعات وكورنيش مرتب وحلو , وجزر فرسان مارحتها لكن سمعت مدح عليها

وابها عندك الجبل الاخضر مطل ومطعم وكافيه , وقصر السلام فندق وفيه مطعمين مطعم الدوار نظام بوفيه مفتوح ومعطم المطل نظام طلبات وكمان كافيه

والالعاب .. ملاهي ابها الجديده جنب فندق قصر ابها وملاهي السلام وبالصيف يكون فيه مهرجان وخيمة تسوق قرب المطار

والمجمعات .. افضلهم عسير مول والخميس افنيو .. وعندك كمان ابها مول , ريحانا مول , الواحه سنتر , اصداف مول ... واكاسيا مول مجمع نسائي مغلق

المطاعم عندك مطعم الكركند كله بحريات , ومطعم المضياف , ومطعم درة الصين , ومطعم حدائق نارنج , ومعطم انديان سبايس , ومطعم بيتزاريا

ومطعم تندوري ومطعم المذاق الهندي , ومطعم فيتامين عصيرات طازجه ومأكولات بسيطه

طبعا غير ماك وهرفي وكودو برجر كنج وبيتزا هت وكنتاكي وهارديز

وخفايف عندك مخبز سويزا وباسكن روبنز وديلشيز وحلويات اياد

حاولت اتذكر اللي اعرفه وجربته

بس الله يعينك عالسكن ان كنتوا ماحجزتوا من بدري مااظن تلقون سكن كويس

مشكورات حبيباتي ع المعلومات الله يجزاكم خير يااارب

بناااااااااااااااااات

متى احلى وقت للسفر لابها

متى يكون موسم الامطار والضباب والبرودة والفواكه ؟؟؟؟؟؟؟

سنتين سرنا لها شهر 7 ميلادي وكانت الاجواء جدا روعة
بس السنة شهر 7 بيكون شهر رمضان المبارك وقررنا نروح بعد 10 ايام تقريبا يعني اخر شهر 6

هل الاجواء تستاهل الحين للسفر للجنوب بشكل عام ؟؟؟؟؟؟

الأجواء مره. روعه. في النهار. مو مره. حار وفي الليل. برد بس مؤ مره. خذي لك جاكيتات معك وملابس تشويه. ضروري لان الأجواء في أبها. متقلبه. ً


فيه. ملاهي. السلام في. النميص وملاهي. الدلمون لاند على طريق أبها الخميس وملاهي أبها الجديده. ومهرجان. أبها. على طريق. المطار مره. روعه توهم. فتحوه.

المجمعات. عندك. عسير مول. وأبها. مول. وريحانا مول وفي خميس مشيط. مجمع. الخميس. أفينيو. وأصداف. مول.

المنتزهات. عندك. السوده. ومنتزه. السحاب. وحديقه. ابو خيال. والجبل الأخضر وفي الخميس. منتزه الحبله. والفرعاء. هذا اللي في بالي أتمنى أكون أفدتك.