بنات ابو ظبى ساعدونىىى

مرحبا عزيزتي ،،
بحاول افيدج كثر ما اقدر،،

الأماكن الترفيهية طبعا حاليا صايرة المراكز التجارية بحكم الصيف والحر ،، وعندج "المارينا مول" و "أبوظبي مول" إضافة إلى "مركز زايد" اللي ممكن تحصلين فيه اللي تبينه بأسعار زينة ،،
ممكن تروحون لنادي تراث الإمارات،، عندج بعد المقهى الشعبي في كاسر الأمواج،، وإذا تحبون الخضرة والحدايق تقدرين تروحين حديقة الخالدية العامة،، وحديقة الخاليدة الخاصة للناس والأطفال،، وحديقة المطار،،
وبعد لا تنسين الكرورنيش الجميل،، وكرنيش شاطئ القرم،، إضافة للكورنيش الجديد اللي على طريق مصفح،، هذا الكورنيش فيه ملاعب وفي أماكن للشوي ويصلح جدا للعائلات والنزهات لكن الله يعن على الحر :)

بالنسبة لدروس السباحة عندج دورات سباحة في نادي أبوظبي للسيدات،، وفي دروس في نادي الماء والكهرباء،،

وأماكان تحفيظ القرآن ما لج إلا جمعية نهضة المرأة الظبيانية،،

النادي السياحي والله ما ادري بس كل اللي اعرفه ان كان فيه نادي صحي،،

بس لو تبين تمضين وقت أحسن شي روحي نادي السيدات عندهم نادي صحي وبركة سباحة وعندهم دورات بعد فس الرسم ودورات أخرى،،

ان شالله اكون افدتج وحياج الله في بوظبي،،