عواطف تركي
عواطف تركي
كم ساعه تنصحين أمارس الرياضه وايش النظام الأفضل الغذائي اللي اتبعه
كم ساعه تنصحين أمارس الرياضه وايش النظام الأفضل الغذائي اللي اتبعه
الرياضه لا تزيد عن ساعه متواصله
وقسميها بهذي الطريقه
يوم تمارين ترفع دقات القلب مثل الجري الهروله السباحه الرقص او استخدام اجهزة النادي للجري
يوم اللي بعده 20 دقيقه تمارين ترفع دقات القلب اللي ذكرتها ثم بعدها ابدأي بتمارين المقاومه بالاثقال الدامبلز ، البوش آب ، السكوات ، تمارين الخواصر بالعصايه ، تمارين البطن ، تمارين الافخاذ ثم اختميها بالهروله 5 دقايق ثم الاحماء
ثم اليوم اللي بعده ارجعي لنظام اليوم الاول ... الخ وهكذا كرري اليومين
وخذي لك يوم واحد بالاسبوع استراحه
ويفضل انك تسألين المدربه اللي بالنادي عشان تتابع معك بالضبط كل تمرين كم مره تسوينه بشكل صحيح

اما بخصوص النظام الغذائي صعب افرض عليك نظام معين
لكن خذيها قاعده اذا ماشيه على التخفيف امنعي السكريات تماماً وممكن مره بالاسبوع تاكلين قطعه صغيره شوكلاته غامقه اذا تفسك تاكلين شوكلاته ..
اما النشويات بكافة انواعها رز مكرونه خبز بطاطس خففيها الى ربع الكميه اللي كنتي تاكلينها بالعاده
وعوضي النقص وسدي جوعك بطبق مليان سلطه ورقيات خضراء
واكيد خضار غير نشويه مثل الكوسا الباميا الباذنجان القرنبيط البروكولي هذي الخضار اطبخيها بدون زيوت كإيدام مع اللحم او الدجاج او مشويه بالفرن وكلي منها مقدار كوب مليان مع وجبتك
حتى تقدرين تفرمين القرنبيط بمحضرة الطعام ثم تحطينه مع كشنة بصل ودجاج وتوابل تعطي نكهة مثل البابريكا الزنجبيل الفلفل الاسود الكركم ثم حطي القرنبيط المفروم وشوحيه معاه بقليل جداً مويه وغطيه دقايق ينضج وكليه كبديل للرز مع وجبة الغداء مايسمن مثل الرز



واكيد ابعدي عن المقالي والزيوت والمايونيز وزبدة الفول السوداني والطحينه

انتي رتبي لك وجبات تكون صحيه فيها بروتين وخضار غير نشويه وسلطه خضراء وقليل جداً نشويات
سومي وبس
سومي وبس
رفع للفائده💚