بنات ابي افضل عجينة بيتزا

انا معتمده عجينة العشر دقايق في كل معجناتي وماشاء الله رووعه هشه وخفيفه

اللي هي

كاسين دقيق ابيض وفنجان سكر وملعقتين خميره وكاسين مويه اعجنهم واتركهم عشر دقايق ثم اضيف ثلاث كاسات دقيق وبيالة زيت وملح ومويه الى ان تتماسك واتركها عشر دقايق ثم ابدا اشكلهااا


الله يتقبل من الجميع الصيام والقيام

العجينه الذهبيه رائعة اعملي بحث تلقين ان شاء الله
وطريقتي 3 كاسات دقيق كويتي
1 فنجان قهوه سكر
1 فنجان قهوة زيت
ذرة ملح
ملعقة ب ب
ملعقة خميرة فورية
كاس ماء
ث ملاعق حليب بودره
جميع المقادير مع بعض تخفق باليد
ماعدا الدقيق
ويتم عجنها مع الدقيق وتخمر ربع ساعه وتفرد وتوضع جميع مقادير البيتزا وتخمر ربع ساعه
وتزج في الفرن وبالعافيه

رفع

انا معتمده هالعجينه من 7 سنوات من اخواتي وحريم اخواني
تصلح سينابون وتصلح فطاير
والكل اذا اكل منها يسالو عن طريقتها خصوصا بالبيتزا
جربيها وانا متاكده انج راح تدعين لي وااايد وانا مابي الا دعائج لي ربي يحقق مناي
تكفين لسويتيها وعجبتج ادعي لي ربيي يحقق مناي
وحاولي تضبطي المقادير عشان تضبط صح عندج
وهي
انا اسويها
كوبين طحين
كوب حليب بودره
ملعقه ك سكر
ملعقه ص ملح
م صغيره خميره
م صغيره فانيلا
علبةزبادي
زيت
عجنيها مع بعض واستمرري تعجني 5 دقايق
اتركيها تخمر ساعه بعدين ابداي فيها
لاتنسي اذا للبيتزا حطي في قاع طبق البيتزا كثي سميد

اعملها بعجينة السينابون وتطلع عذاااااااااااااااااااااب
بس ناسيه المقادير والكتاب تحت عند ام زوجي باكر اكتبها لك
اتذكر فيها للبن وزبادي