بنات ابي حشوات لسبرنغ رول بس مول حم ودجاج ابي مثل اجبان او بطاطس

جبن ابيض مالح مع جبن سايل مع جزر مبشور وفلفل رومي مبشور اخلطيهم واحشي السبرنغ واقليه رووووعه

بيض مسلوق ابشريه وضيفي له جبن شيدر مبشور ورشة فلفل اسود ورشه ملح
وممكن
ملفوف مع جزر وفلفل رومي وذره وبطاطس مسلوقه مع شوي صويا صوص ورشة سمسم بامكانك اضافة دجاج او بدون بس خضار صينيه
وممكن
جبن ابيض هنغاري مع حبة بركه
او مع كزبره او مع نعناع
وممكن تحشيها بفلافل لو حصلتي او كانت متوفره عندك
وممكن تحشيها بجبن موزريلا مع جبن شيدر مع صوص البيتزا مع فلفل رومي وزيتون اخضر واسود ونقانق مبشوره
اما جبن حلوم ما تصلح لانها بتطلع مويه وبتغرق عليك السربينغ رول

اما البف باستري
ممكن تحشيه دجاج
او تحشيه جبن ابيض بالنعناع او بحبة البركه
وممكن تفرديها شوي بس وتحشيها لحم مفروم وتسكريها مثل الفرموزه وتدهنيها بيض وترشي عليها سمسم وتخبزيها بالفرن تطلع كأنها فرموزه
بس الافضل تكون البف بستري بر بس تنفع بالابيض
او تحشيه قشطة منزليه اللي بالنشاء ولما يتحمر تسقيها شيره
وممكن تلفيها على النقانق
وممكن تحمريها وتحشيها كاسترد انتي تسويه وتعبي عليه الفواكه
وممكن تحشيها كيري ولما تستوي تسقيها نستله وترشي عليها قرفه
اما انك تدهنيها الافضل تدهن عشان التحمير وتماسك الطبقه العلويه

انا دآيم احط جبن ابيض مالح واخلط معه فلفل رومي اوفلفل حار وشوية طمآطم وبصل اقطعهم صغآر واحشي فيهم السبرينغ
رول وتطلع روعه ..
برضه إذا كنتي تبين حشوة خضآر ابشري بطآطس وجزر وكوسه ..وجيبي تاوه وحطي فيها زيت وبعدين شوحي البصل شوي
واضيفي الخضروات عليهم وقلبيهم واضيفي الماجي والبهارات وتصبح عندك الحشوه جاهزه وروعه

هلا درر

افضل على حشوة عندي
تبشرين جبن كرافت وتقطعين فليفله خضراء وزيتون شرايح تجننن الحشوة
حشوة البطاطس تتقطعين بصل صغار تحمسينه مع الزيت مع بهارات الكاري وبهار المشكل وكمون كزبرة مطحونه ودارسين مطحون كركم وبعدين تضيفين جزر مبشور والبطاطس المسلوق مقطع صغار وكزبرة طازجه