بنات انا قريبه ام افنان اخذت النك منها عشان اكتب لكم مشكلتي و الله يسعدها
السلام عليكم :
بنات انا مصدووووومه مرره وابي اخذ رايكم بهالمشكله بس ابي الي تقول رأيها تقوله بكل امانه وبدون مجاملات وكل وحده تحط نفسها بمكاني ارجوووووكم
انا انسانه مصدومه من اختي واسلوبها معي ودايم اذا تشكت علي من زوجها او حمولتها او بيتها احاول اساعدهاا بحلول واقعد افكررر واحاول احل المشكله لها وماخليها تسكر السماعه لين ترتاح واسكرها وهي تضحك ومبسوطه او على الاقل خليتها تفضفض وتطلع الي بصدرها المكبووت
تخيلوا يابنات انها اذا كلمتني اهمل بيتي وعيالي وزوجي واقعد معها بالساعات وواذا قلت مع السلامه زوجي جاء قالت اصبري شوي او تزعل وتقعد تسولف لين تخلص كل الي عندها وزوجي يعصب علي واروح احط له غداه وارجع لها عشان ماتزعل علي ومسكين زوجي يمل يحتريني ويقعد يهاوشني ويدعي علي ويقول بس مقابله التلفون ومهمله بيتك وعيالك ويطلع من البيت معصب وزعلان او يجي يفصل الفيش او يكسر التلفون او الريموت أي شي قريب له ينسى نفسه او يرمي علي المفاتيح وتجرحني ويصب دم وحاااله عشاانها بالمقابل انا كتومه وماحب افضفض دائما او احكي لاحد عن همومي والناس يحسبوني مبسوطه بس هذا طبع فيني واذا كلمتها كل بعد فتره طويله واكون محتاجتها ومحتاجه افضفض لها عن الي بصدري ومحتاجه كلمه حلوه من اختي او دعوه تدعيها لي ارتااااح لاكن اكلم ماترد نهائي ولاتقولون مشغوله هي تعترف لي بعدين اذا سالتها مارديتي علي تقول مالي خلق تلفون يعني تكلمني على حسب مزاجها وعلى حسب روااقتها ولا اكلمها وماامداني اقول اخبارك يافلانه ويدخل زوجها تسكر السماعه بوجهي او تقول مع السلامه زوجي جاء وماتعطيني فرصه اقول مع السلامه لها واذا يوم سمعت بدايه مشكلتي تقول يالله ياام فلان مالي خلق مشاكل مع السلامه او تسمع المشكله وماتعطيني حلول وماتحاول تساعدني اوتفكر وشلون احل مشكلتي او تقولي على الاقل ياعمري يااختي هدي نفسك لاتضيقين خلقك او تدعي لي دعوه حلوه بالعكس الله يهديها
وقبل كم سنه سافرت لاول واخر مره شهر العسل برى المملكه و بديووون
ولا كان شهر عسل كان كله صياح ومشاكل لان امي وام زوجي كان بينهم مشاكل وكل شوي يكلموني انا وزوجي ويعلمونا وش صار وطول وقتنا معصبين ولا نتناقش بالمشكله الي بينهم
وانا يوم سافرت ماعلمت اقاربي عن سفرتي الا اختي وامي وطول سفرتي صياح وحزن ووالله الذي لا اله الا هو يابنات اني طول حياتي مع زوجي من عقب هذي السفره وانا بهم وحزن ودايم تعبانه ومريضه او اعصب على زوجي وعيالي وتجيني حاله اكرهم واتمنى الموت لنفسي ودايم ادعي على نفسي من الضيقه والهم الي بقلبي
وجاء ببالي انه اكيد عين واليوم كلمت اختي شوي وقلت لها يافلانه بقولك شي انا احس بضيقه ووحززن ادعيلي قالت : (( انتي مافي بالدنيا مثل سعادتك انتي الوحيده بأقاربنا سافرتي برى المملكه واحنا ماسافرنا اصلا انتي سافرتي لها من زمان قبل اقاربنا يفكرون فيها انتي مبسوطه بحياتك انتي ماجربتي الي انا اجربه زوجك مو مثل زوجي انا اتمنى اركب طياره انا شهر العسل سافرت مكه وجده لاكن انتي سافرتي برى)) الي يسمعها يقول كل سنه برى المملكه وانا مارحت الا مره وكلها مشاكل
ونقشات شوي و توصل لطلاق
مع العلم زوجها مايصرف نهائي السكن والمويه والكهرب والمواد الغذائيه والتلفون وكل شي على حساب ابو زوجها لان ابوه غني مررره وهو الي مزوج عياله ومسؤل عن المهر ومصاريف الزواج
يعني زوجها راتبه لمتعته هي وياها بس الله يهديها ماتحمد ربها ع النعمه وللعلم زوجي على قد حاااله ماعنده الا راتبه وبأجار ولاعنده احد يساعده لا ابو ولا اخوو وراضين بالي كاتبه لنا ربي بس كتبت للتوضيح فقط
اسفه على الاطاله تعبتكم معي
بس كنت محتاجه افضفض واسمع رايكم بسالفتي وتدعون لي
جزاك الله الجنه
aum afnan @aum_afnan
محررة
يلزم عليك تسجيل الدخول أولًا لكتابة تعليق.
طيب اذا شاكه فيها اقطعي الشك باليقين وخذي من اثرها بس بدون ماتحس
وغير كذا انتبهي لبيتك وعيالك واذ دخل زوجك لامو اذا دخل الا قبل يجي اتركي كل اللي في يدك
زتجهزي وجهزي بيتك وعيالك لاستقباله واذا زعلت قولي والله زوجي وعدته اني اترك كل شي بيدي اول مايدخل
لانه يتضايق
انتبهي لنفسك احسك تهملين بيتك ونفسك وزوجك عشان اختك لاتزعل وهنا مافي شي يزعل
لارماك زوجك لا قدر الله عند اهلك اختك مابتنفعك
وغير كذا انتبهي لبيتك وعيالك واذ دخل زوجك لامو اذا دخل الا قبل يجي اتركي كل اللي في يدك
زتجهزي وجهزي بيتك وعيالك لاستقباله واذا زعلت قولي والله زوجي وعدته اني اترك كل شي بيدي اول مايدخل
لانه يتضايق
انتبهي لنفسك احسك تهملين بيتك ونفسك وزوجك عشان اختك لاتزعل وهنا مافي شي يزعل
لارماك زوجك لا قدر الله عند اهلك اختك مابتنفعك
خذي من اثرها امكن اختك الي معطيتك عين الايام هاذي الام تحسد بنتها وانتي لاتخربين بيتك عشانها مثل ماتخاف ان زوجها يزعل خافي على بيتك لاتجملين على حساب نفسك
^
صادقة الي فوقي .. بس ليش الكذب يعني المشكله بتأثر على عضويتك مثلا ؟ او وشو بالضبط
بس بجاوبك ماعلينا
سوي مثل ماتسوي جا زوجك صكي السماعه بوجهها ولما تكلمك قولي لها مو فاضيه اي شي مشغوله
ولاتخبرينها بسفراتك وخذي من اثرها
صادقة الي فوقي .. بس ليش الكذب يعني المشكله بتأثر على عضويتك مثلا ؟ او وشو بالضبط
بس بجاوبك ماعلينا
سوي مثل ماتسوي جا زوجك صكي السماعه بوجهها ولما تكلمك قولي لها مو فاضيه اي شي مشغوله
ولاتخبرينها بسفراتك وخذي من اثرها
الصفحة الأخيرة
بس لاحظت بالبدايه قلتي مو انا ام افنان وبوسط السالفه تقولين قالتي لي يا ام افنان سبحااان الله