بنات ابي رأيكم بموضوعي الله يوفقكم ؟

السلام عليكم
الله يتقبل من الجميع الصيام والقيام
خواتي أنا عضوه جديده وأتابعكم من زمان وما شاء الله كثير من الأخوات هنا ردودهم كلها حكمة ومنطق

الله يوفقهم يا رب ,أنا محتاجة أرائكم ونصايحكم بموضوعي لأني فعلا وحيدة وما عندي أحد أقدر استشيره
أنا يا بنات مريت بأشياء صعبة جداااااااااا بسبب أهلي وتعاملهم وظلمهم لي ما أقدر أقولكم شكثر أذوني بحياتي
وصارت فيه فجوه كبيييره بيني وبينهم حتى مع أمي اللي مفروض تكون اقرب الناس لي ,شعور الغربة والوحدة معهم صار يذبحني والله العظيم
اتمنى تفهمون هالنقطة زين ,حاولت أدور وظيفة ممكن تطلعني من هالجو وتعقد الموضوع ,زيارات وطلعات شبه معدومه
أحس نفسي مسجونه وو أختنققق بين أربع جدران شعور صعب يعذب حتى ما عندي اخت نتسلى مع بعض ولا عندي احد اقدر اسولف معه مثل باقي الناس
,كلليلة أبكي من شدة الحزن والضيقبس ما فقدت الامل بالله وكنت دايم ادعي بالفرج , تقدم لي اكثر من واحد بس كلام
وما يصير شئ وبعضهم رفضتهم والله فكرة انه من نفس بيئتي تخوفني احس تعقدت مع أنه عارفة انه اصابع يدي مو سوى بس اللي شفته بحياتي مو شوي
وغير هذا احس نفسي ابدا مو متأهلة للزواج ولا قد الزواج ومسؤوليته
اللي صار انه تقدم لي واحد عن طريق جارتنا غني و سااكن برالسعودية بدولة خليجية طبعا اول ما قالوا لي انه ساكن برا السعودية
فرحت ..فرق العمر بيني وبينه 14 سنة تقريبا ولا سبق له الزواج ويبي وحده بمواصفاتي ,شفت صور له وبصراحة مو مثل ما كنت متخيلة ولا واحد بالمية خلق الله حسن
لكن شكله مو مقبول لي وما أعجبني حتى من الصور شكل عنده مشكلة معينة بوجهه الحمدلله اللي عافانا وغير هذا قصير وفرق الطول بيننا كبير
لكن الشئ الوحيد اللي خلاني افكر بشكل جدي أني شفتها فرصة أني ممكن استقر في مكان يعاملني كانسانه واخذ حريتي بعيد عن تعقيدات مجتمعنا
وما اضطر اني اعيش تحت ظلم و سيطرة ابوي واخواني او فكرة اني احتاج رجل في حياتي حتى لو ما استمر هالزواج وتطلقت ,يعني تقدرون تقولون أني افكر بهالزواج
بسسس كوسيلة انه تنقذني من وضعي اللي عايشته هنا واتمنى لو استقريت هناك بعدها اتطلق منه ,,عمري على فكرة 24
يا بنات تشوفون تفكيري صحيح ؟ أو انا لو قبلت بهالزواج اكون جنيت على نفسي وطلعت من حفرة لحفرة ثانية ؟ واكون ورطت نفسي بشئ انا اكبر منه ؟
اتمنى تنصحوني وتنورني
الله يخليكم وجزاكم ربي كل خيررررر