السلام عليكم ورحمه الله وبركاته
كيفكم بنات اتمنى تكونو بصحه وسلامه
اتنمى تقولون لي رايكم في مشكلتي...
انا عندي طفلين وزوجي طيب يلبي لي كل طلباتي ويحبني< زي ماهو يقول ويسوي كل الي ابيه صحيح بعض الاشياء العقد تلعب دور في رفضها بس الاغلب يلبيه...
من بعد اول طفل اكتشفت انه يكلم بنات وتهاوشت معاه وتخاصمنا وقلت له ماعاد ابيك انا مااتحمل الخيانه وهو حلف لي انه بس لعب وخلاص بطل ولايمكن يرجع لكذا ابد
ومسك القران وحلف وصدقته وسامحته...
وبعد فتره لقيت عنده افلام اباحيه بشكل كبير ومسحتها كلها ولما لاحظ انها مو فيه جلس يهاوش واحرجته بالكلام وصار يعتذر..ويقول احبك ولاتتركيني واسف ومن هالكلام وحلفان ووعود
وسامحته
بعدين صرت الاحظ اهماله الكبير في صلاته وصرت انصحه واحثه وهو يمثل علي زي الاطفال!! يعني مهمل صلاته مرررررررررره!
بس كنت احاول اقربه من ربي واقوله خل نقوم نصلي سوا تعال امني تعال نصلي مع بعض الوتر وهو يقول لا بصلي مع اخواني وينزل! وكانه مايبي يصلي وساعات يصلي عندي بس نادرا!
المهم بعد طفلي الثاني
بديت اشك فيه لانه صار يشك فيني بشكل كبير ويشكك في اخلاقي تعبني وطفشني!
وكنت ازعل منه يعني انا ماعرفني من الشارع عشان يشك فيني كذا وياخذ جوالي غصب!
وكل مره يرمي كلام كانه لاقي شي علي ولما يدور ومايلاقي يرجع يعتذر!:mad:
بصراحه كرهته من ذا الحركات بس قلت عشان اطفالي اتحمل!
وبعدين لقيته مره ثانيه يكلم وحده!
واجبرته يكلمها قدامي وهي فضحته بانه له علاقه بكذا وحده تعرفها البنت!
وكمان راح له البيت!!!!!!!!!
وجلس يترجاني اسامح
وسامحت مع شرط انه لايمكن اسامح بعد كذا لو ايش مالاقي لو فلم اباحي مابسامح وقال طيب!
وبعدها عرفت هو ليه بيشك فيني!!!:(
لانه يستخدم الحشيش!!!! وواجهته وقلت له راح اساعدك في حال عندك رغبه تبطل اما تبي تستمر كل واحد فينا في حاله!
وقال انه يبي يبطل وساعديني وصرت معاه اساعده واحاول اخليه يحب البيت
والطلعات وهو ممثل بااااااااارع في انه يوهمني انه بطل!
الا اني مع الاسف اصبحت اعرف ريحه
الحشيش واعرف حتى من ريحه العرق!
وعطيته 3 فرص كل مره يحلف ويوعدني ويجلس فتره يقول بطلت وخلاص لاتفتحين الموضوع انا ناسيه!
وبعدها اكتشف انه بس يستغفلني!!!
وقلت له اخر فرصه وبعدها انساني لاني تعبت !
بعد وقت اكتشفت انه يكذب في سفره يقول لي عنده صفقه في مكان واثاريه يروح مكان ثاني للعب!! والمزز وبنات الشوارع!!!!!!!!!!!!!!!!!!!!!!!
وواجهته وانكر ولما حطيت عنده الدليل جلس يالف كذب مو مقنع ابد وقلت له انت الي اخترت النهايه انا خلاص تعبت ولعاد يهمني وي تروح ووين تجي وبلم اغراضي وامشي! ورحت لاهلي.....
راح كلم امي وترجاها تطلبني ارجع وكلم ابوي
وكلهم قالو عطيه اخر فرصه وبعدها خليه وهم ماكانو عارفين بموضوع الحشيش!!
المهم قلت له والله انا خلاص اذا فيه مره جايه فتاكد انه مافيه مجال للنقاش بعد كذا واعتقد كثر الله خيري!!!
وصرت اذا شك فيني مااسمح له يفتش وهو ينجبر يسكت!
وهو من النوع الي مافي احد قدي وانا احس رجال في الدنيا وبعد ماعرفت عن كل هالاشياء صار مايقدر يقو كذا هههههههه !
وجلست بعد اخر مره جلسنا شهرين وهو يمثل انه بطل وبعدها رجع ثاني والمشكله رجع بنوع اقوى احسه لما يكلمني بالتلفون يلخبط!!!!
وهنا قررت الرحيل!
لانه ابد موعامل حساب لي ولالعياله كل مره بس يوعد ويخلف!
غير اني بصراحه صرت اكره علاقتي فيه!
جرحني بعلاقاته!
بكذبه
بشكوكه
صرت احس اني لمااكون معه بالفراش اغصب نفسي!!!!
وقررت هالمره اتركه ورحت عند اهلي... وهو رافض الانفصال يقول احبك وبسوي كل شي تبينه وانا متاكده انه ماراح يسوي شي بس بيستغفلني كالعاده!!!!!!!!!!
وانا خلاص مافيني اضغط على نفسي واتحمل صح عندي اطفال بس انا معد امن نفسي عنده ولااثق فيه ولاادري بكره يجني مرض وبلاوي!
انا قريت قصص كثير نفس وضعي وكلهم ماتحملو وتركو ازواجهم والي ماتركو اغلبهم ضاعت اعمارهم على الفاضي في شقا وهم....
انا مرتاحه في الانفصال ولاابي ارجع بس امي كل شوي تقول ارجعي عشان عيالك رغم انها عارفه كل شي!
بس تقول اذا يحبك ومايهينك ولايضربك تحمليه!
فوشيه مفهيه! @foshyh_mfhyh
عضوة جديدة
يلزم عليك تسجيل الدخول أولًا لكتابة تعليق.
اذا به خير لك ربي يسخره عاجلن غير اجل ويهديه وتستقرين بحياه سعيده واذا به شر الله يغنيك عنه ويسعدك من غيره
اكيد استخيري
بس اتوقع احسن لك تقعدين عند اهلك لانه ماقصرتي معاه وبناتك ما راح يضيعون ان شاء الله
الله يصلح حالك ويخلي لك بناتك
بس اتوقع احسن لك تقعدين عند اهلك لانه ماقصرتي معاه وبناتك ما راح يضيعون ان شاء الله
الله يصلح حالك ويخلي لك بناتك
الصفحة الأخيرة
والعيال ماراح يضيعو من غير اب يمكن يصير لهم احسن الفراق
الله يكتب لك الخير