مرحباا بالحلووين
اولا : حراااام عليكم تدعوووون ع البنت يمكن هي مثلك طالعه من عند هذيك العجوووز اللي بخرتها الين شبعت !!!
وثانيا : موقفك صح 100 % لانك لو رديتي بتصيرين سخيفه اش تبينه يمشي بالشارع وماسك انفه لا يشم ريحة حد مو ذنبه .. وحتى هو بيصير يمسكها عليك وبعرف انك انقهرتي وكلما بغى يقهرك تعالي شوووفي ........>> مجربه هالحركه ..

ولو انتي ذكية استغلي هالحركه ... بعد فترة اطلبيه هو يروح " بروحه " يجيب لك عطر لان عطورك مخلصة او مليتي منها ولانك تبين شئ ع ذووووقه .. وعاد انتي وشطارتك ومن هنا تعرفين انتي يمكن سطر العطور اللي عندك يعجبك بس مو ع ذووقه يمكن هو يعجبه اللي ع عالعود او اللي برائحة الليمون والفواكه او .. او ..

واتمنى اني افدتك ..

عادى دايم الممنوع مرغوب يمكن يبغى يشوف غيرتك ويمكن يبغى يبين لك انه مو قليل وعرف حركات نص كم مو لازم تبينن له ان المتعطرة زانية اذا مرت وشموا ريحتها رجال لان هو من نفسه محتقرها ويمكن الله يهدى البنت مو قصدها بس كان لازم تنتبه لنفسها هو حديث الرسول عن المتعطرة جاء من فراغ سبحان الله ديننا كله حكمة يعنى هذى هى سببت مشكلة بينكم ودعوه من البنات وهى ماتدرى الله يهدينا وياها
وتاكدى لو كنتى انتى اللى مسويه نفس الموقف ومريتى من جنبه في السوق وعطرك فواح كان سوى زوجك مشكله لان فيه فرق لما يكون الورد خاص وسبيشل لشخص معين يحترمه ويقدره ويداريه
وبين لما تكون الوردة ذابله كلن يشمها واللى يسبها واللي يمدحها فهمتى يالغلا
فيه فرق والفرق لصالحك اكيد لاترفعين ضغطك على شئ مايسوى ولاتخلينه في بالك يمرضك التفكير
والله يسخر لك زوجكى ويوفقكم

شوفي يا أحلا الحلوين .... أنا والله انقهرت ولو أني منك كان جمعت قوارير العطور اللي عندي وفكيتها وشربتها زوجي علشان تتسكر عنده حاسة الشم وما يشم إلا عطوري ...

والله قهر ..

قوليله صدقني عطرها مافيه زود
بس ابليس اللي زين لك عطرها
والشي الحرام دائما ابليس يزينهع حتى لو كان شين

انا رايي نفس راي بارقة خير روحي انتي واياه للمحل وقولي له هالمرة اختر لي انت العطر اللي يعجبك بس لا تذكرينه بقصة البنت وتقولين له ( نفس العطر اللي شميته هذيك المرة ) خليه ناسي القصة وهو لا شعوريا بيختار لك العطر اللي عاجبه وعشان تسهلين عليه العملية وما يقعد يشمشم في المحل وتروح حاسة الشم اسأليه وش أكثر نوعية تحبها ( ريحة النظافة مثل المسك ، ولا الفواكه ، ولا العود ، الياسمين والفل والورد ، الفانيليا ، الروائح الفخمة ولا الناعمة ) واطلبي من اللي يبيع مجموعة من النوع اللي يحبه لأنه هو ادرى وكذا توفرون عليكم الوقت ، بس أهم شي لا تذكرينه بقصة البنت لأنه لو ما لقى نفس العطر اللي كانت حاطته ( الله يهديها ) بيضيق صدره ومهما شم من العطور ما راح يقتنع

تحياتي لك