بنات ابي رايكم بصبغ غرفة اولادي وابي رايكم معي ..

هلا حبيبتي

بصراحه راح تصير الغرفه مهرجان العيد :)


شوفي موضوع غرفة اولادي ... يمكن تعجبك الفكره

وفيه بوية اعتقد عند جوتن زي شكل قماش الجينز يعنى ارزق يعتوقنه زي الجنز او اصفر او اي لون تختاري

انتى خليه واحد من هذه البوية والباقي نفس اللون بس فاتح جدا


موفقه

نفس الشي انا ودي اصبغ بس موعارفه اش الالوان المناسبه
وقريت موضوع ام عبدالعزيز سوت غرفه ولدها بنفسها وطلعت حلوه
حمستني اسويها لوحدي
مدري محتاره

ام عمر مشكوره على الرد وانا شفت موضوعك حق غرفة عيالك وعجبتني بصراحه وكنت بحط مثل فكرتك ان جدار ورق والباقي صبغ بس الورق مانصحني فيه راعي المحل يقول ما اضمنه لك مع هالحر فقلت بحط صبغ والصق عليه صور او اشكال بشتريها من تويز ار اص او من المكتبه والصبغ الي تقولين عنه اتوقع اسمه شامواه سوت صديقتي لمجلس الحريم بس هو رسمي يصلح لمجالس وكذا حتى كنت بسوي تعتيق للغرفه وهونت قلت اخليها ساده احسن لان التعتيقات والتفنن بالصبغه احسها احلى للمجالس والصالات والالوان الي اخترتها فاتحه مره مره يعني يدوب يبان اللون وابغى الغرفه تجي فريحي شوي وتشرح الصدر لان الشمس ماتجيها لاننا دور ارضي والبيوت حوالينا محجبه عننا الشمس والف شكر على مشاركتك

موون سبحان الله توني اقول لزوجي اليوم وش رايك نصبغها احنا بس هو عيا يحب يريح نفسه والا احس لو اصبغها راح ابدع فيها اكثر بس يله انشاء الله تصير تمام وحلوه

هلا ا ختى

بالنسبة للورق يلي عندى فيه نسبة كبره بلاستيك حتى لما تمسكية تحسية مثل تجليد الكتب اللاصق يعنى يتمسح ويتنظف عادى

عموما اذا الالوان عاجبتك الله يوفقك

ونستنى الصور





اختى موون اذا عندك اولاد حطي الوان الجينز روعه يعنى بجدار واحد غامق والباقي بيج او اوف وايت

او ازرق زيتي او بني اما الازرق السماوي انا مايعجبني مدري ليش :(


اما البنات مجالهم وااااااسع وهنا الاخوات ماقصرو حاطين كثير مواضيع لغرف البنات

موفقين

مشكوره ام عمر ع التواصل الورق الي انتي حاطته شفته بالمحل حتى وريته زوجي بالعكس عجبني ومن ناحية الصور ابشرو ان شاء اذا قدرت نزلت صور وانا في بالي اخليها نعومه اكثر لاني حاطه ببالي انها غرفه بتكون لهم الى اقل شئ ست سنوات وبعدين اغيرها بشكل يناسب سنهم هذاك الوقت