بنات ابي طريقة شوربة

شوربه العدس
تاخذي فنجان ونص شاي عدس اصفر او برتقالي
تغسلينه وتضييفين حبه بصل مقشره صغيره وفص ثوم صغير وملعقه معجون طماطم وملح وحبه طماطم صغيره
وكوبين تقريبا مويه
واتركيه على نار هادئه يغلي حتى يستوي العدس تماما واطحنيه بالبلاندر ورشي رشه كمون وخذيه مع شريحه توست
وصحن سلطه خضراء بدون زيتون هذي 200 كالوري او تقريبا 250 لو اضفتي مكعب الماجي فيه 40 كالوري


وشوربع الدجاج
فخذ دجاج بدون جلد <<لو تحبين الصدر فهو اقل في السعرات
قطعيه وحطيه في القدر مع بصل جوانح وفص ثوم وكوسه وحبه جزر 3 حبات ومكعب ماجي وممكن ملح وبهارات صحيحه كالتالي
هيل وفلفل اسود وكمون وكزبره ناشفه وقرفه وليمون اسود
وضيفي لها اربع اكواب مويه
وحطيها على النار مع ملعقه خل
وشيلي الزفره او الريم اللي يطلع على الوجه اول ما تغلي على نار عاليه بعد كذا خفضي النار
واتركيها تغلي بهدوء
ولما يستوي الدجاج حضريها واشربيها بالعافيه بدون خبز ممكن مع سلطه خضراء لو تحبين وترى المرق هذي لذيذه وخاصه مع الرجيم ايام الدوره دافيه ومغذيه


شوربه الشوفان
بصل تحمريه في تيفال بدون زيت
وضيفي قليل مويه وبعدين طماطم مطحونه مع فص ثوم
وبهاراتك المفضله
ومكعب ماجي و3 اكواب مويه اتركيها تاخذ الغلوه وضيفي
3 ملاعق شوفان واتركيها تغلي حتى تستوي تماما
هذي فيها 150 كالوري
طبعا مع طبق سلطه خضراء
وترى الشوربه تشبع


والماجي
ممكن يالغاليه
تاخذي مكعب الماجي تصبي عليه كوبين مويه حاره تذوبي الماجي وتحطينه بالثلاجه
ولما يجمد الزيت فوق الكوب شيلي طبقه الدسم واستخدمي النكهه
وممكن مع البهارات اذا عندك بهارات لذيذه رح تستغني عن الماجي
او مرق دجاج بدون زيت وجلد يكفي
وان شاء الله اكون افدتك

هذي الشوربات من رجيم كنت اسويه عند الدكتوره رنده
والحمد لله نزلت تقريبا 15 كيلو
والله يوفقك

العدس يسمن ابعدي عنه مع احترامي للاخت
ماء ملح فلفل وكمون شوي خضار مقطعه وتسلق عاااااااااادي اخر شيء ثوم للنكه وقوة الجسم الخضار جزر وكرنب مقطع وفاصوليا خضرة موب حبوب الخضرررررة قرنبيط

يا بنات ابي طريقة الشربه بسيطه وسريعه وابي طيق رايسي لرمضان