'بنات ابي مساعدتكم...في افضل استشوار سرميك

والله تحسبوني ابالغ؟؟

والله نفسيتي تعبانة مرة مرة هاليومين....



وزايد علي قضية شكلي ووزني زايد وملابسي ضايقة علي الله يعدي هالغربة والكربة على خير...



وشوفتي ياسف لها العدو...وبشرتي كلمالها تنطفىء ...والسواد حدر العيون يزداد...

والركب كلما لها تسود...والكشة كلمالها تتحول الى سبرنغات...(اللي مايعرف السبرنغ يروح الصناعية يسأل الهنود حقون التشليح)...

تحسبوني ابالغ؟؟؟انا قاعدتن اصيح الحين...صايرتن مااقبل اطالع عمري بالمراية...

خلقة انا فيني هالحالة....... عندي كرامة اما يطلع شكلي زين ولا مايحتاج اطالع خلقتي في المراية..


فمن الآخر...منيب قاعدة اقلبها لكم مناحة ....:)


أبي أشري مكواة سراميك ...بالطول والعرض ابي مكواة سراميك ...

مليت من كشتي ..مليت من شكلي اللي تقل سعلوة...


أحس انها الحل لكل مشاكلي....خصوصا وانها سهلة الاستعمال ولاتحرق الشعر زي السشوار...

يعني ممكن يوميا استخدمها بلا ضرر حسب ماقالوا لي...

ياناس ياهوه ياعالم...ياأجواد...ياخلق الله...

:09:
مليت من الحياة في هالديرة المروحة...


مللت من الكدح والتعب والفلح والبرد والقرف..

مللت من الطريق اللي حفرته حفر يوميا من موقف الباص لشقتي ومن شقتي لموقف الباص...

مليت من السوبر ماركت ...حتى البياعين حقون السوبر ماركت الا شافوني قاموا يتصددون...

مل مني الصبر قبل لاأمل منه....

ابونا يقول الصبر مفتاح الفرج ....

قلت يابوي انفتح راسي من الصبر ....وحامت تسبد الصبر مني...:(

أجل ويش....يعلّمني الصبر على آخر زمن....؟؟؟؟

والله شي...

والله لو بكتب قصايد تسان بكيت وبكيتكم معاي..

المهم قبل لاتقطر دميعتي صدز ..


تكفون وين القى مكواة السراميك فيه ....بسعر معقول وتكون نوعيتها كويسة...

وتسانكن مجربات ان تقولون لي الله لايهينكن وش احسن نوعية جربتنها...


وابيكن بعد الله لايهينكن تسوون قطّة لي عشان اذا عيّا ابونا يشريها لي والاكم تفزعون لي...


أنتظر اجاباتكم يابنات...


لالالا...لحظة لاتسكرون...

فيه شي ثاني...


الحين يابنات ياللي ساكنين المناطق الساحلية عندكم نفس مشكلتي؟؟؟

الزوايا والجدران اللي مقابلتن برّا بحيث يطيح عليهن مطر وبلاوي ...يطلع من داخل من داخل البيت على الزوايا يتكون فطريات لونها اخضر يطيّح تسبد البعير...


امسحها باللين بالفوطة بالموية بالمنظف بالطول والعرض تتكون من باتسر..

ومروحتن بهدومي والبيت ابخر ماابخر كله واحد...

فهل فيه حل لأن واحدن قال لنا ان فيه مادة تحط على الزوايا وانها تمنع تكون الفطريات ...


تكفون فيدوني...عند الله سعة صايرتن ايديني تقل ايدين عمال البطحا....

يالله الخيرة...:hahaha: