بنات ابي مساعده بالصبغ والموكيت

صباح الخير احلا صبايا ربي لا يحرمني من ارائكم واقتراحاتكم
انا ناقله بيت جديد ايجار وحابه اغير شوي ودي اغير صبغ البيت و البيت صبغه رش ابيض وودي اصبغه بنفسي يعني مابي اخسر نفسي بالتليس بصبغه فوق الرش والصراحه شفت البنات كيف يصبغن وعجبني شغلهن وان شاءالله انجح وانزال تجربتي
فياليت تشيرو على بالالوان والوان الموكيت تعرفو برد والسرميك بارد والسرميك الوانه مو حلوه زيتي ببني يعني مو حلووو ابد شكله غلط مع الاثاث
ابواب الغرف بغيرهم لبني محروق احسن من البني المتوسط ايشرايكم
غرفة نومي خشبها بني بعسلي تقريب على اورنج مذهب والصراحه احترت بالصبغ والموكيت بيتي القديم كان سرميك بيج والصبغ بيج وودي اغير ويمكن اغير الغرفه بعد فتره وحابه احط بني محروق لان الغرفه اللي عندي كان لونها يقيدني بالمفارش بس بنيات وبيج فياليت بالوقت الحالى تقترحو على الوان مفارش تناسب مع العسلي والبني مع الصبغه والموكيت الي بسويه لين اشتري غرفه جديده لان زوجي مل من الوان المفارش قالي غيري الوان وانا احترت بالالوان مع غرفتي الحاليه

اما مجلس الرجال فالوان المساند بيج مذهب على خفيف مع دوائر صفيره وكبيره بني محروق وبني فاتح والخشب بني مذهب شنو احسن لون صبغ معاه

وولدي شنو اصبغ غرفته الحين عمره تقريبا 13 بشتري له غرفه لونها بني ابي صبغ يناسب جميع الالوان

والبنات اي لون يناسب يعني مابي اتقيد بلون ابي اغير مفارش غرفتهم كل فتره علشان اعطيها منظر متجدد غرفتهم لونها بني مدرج

والصاله شنو احط ووالممرات طبعن راح احط فنيل بركيه فاتح فكرت بالرصاصي الفاتح

عندي كنب للتلفاز نوعيته خيش وداخل به الوان مورد ومقلم وساده والالوان هي اسود وفوشي وبني واخضر فاتح طبعن مع لون الخيش بس شكله حلو بس احسه باهت بحاول اغير قماشه فشنو اللي يناسب مع صبغ وموكيت
ومجلس الحريم شنو رايكم لان بحط كنب شنو الالوان اللي تقترحوها واقدر اجدد بتغير الالوان لكي اجددها
اتمنى تساعدوني لاني بنقل قريب وابي اجهز البيت قبل النقل

لكل وحده تساعدني او تدخل الموضوع وترفعه لها دعوه بظهر الغيب
تسلمون لى يالغوالي مقدما