بنات ابي مشورتكم اخوي عمره 23 وطالب يتزوج!!!!!!!!!

اسمحيلي اذا هو يبيها ويحبها احس مافي مانع انه ياخذها
ويكون بعلمكم كل ما مانعتم كل ما تمسك فيها اكثر وحبها اكثر
" لافرق بين عربي ولا اعجمي "




<<<< قبيليه درجة اولى

والله ماعندي فكره
الله يكتب اللي فيه الخير

حبيبتي
ما فيهااااا شي اذا اتزوج وهو مش ياهل لااااا ريال ويعتمد عليه وفي رياييل اتزوجوا وعمارهم 18 سنه فما بالج بأخوج ؟؟؟؟؟؟
واللي اشوفه انكم توافقون علشان ما تخسرون اخوكم لانه اذا ما وافقتوا راح يتزوجهااا من وراكم .....
ويزاه المسكين اللي عطاكم خبر بعد ........
الله المستعان

طيب هو حنا اذا طاوعناه كسبناه هو لحاله لكن خسرنا العيله كلها وخسرنا انفسنا يمكن حنا متشددين من ناحيه القبايل واذا على الحب انا اتوقع كلنا مرينا بتجارب حب وعرفنا نختار الصح من الغلط!!! يعني اذا حبي بيخسرني اهلي كلهم المفروض اني اقسي قلبي شوي والي خلقها خلق غيرها يعني انتو ماتتخيلون لدرجه ان ابوي وامي يقولون لو سواها وتزوج راح يتبرون منه للابد وعلى قولت امي شعره بعيني وطلعت مايهمني!! ولااخسر كل قبايلنا .وصحيح مافي فرق وبين عربي ولا اعجمي لكن الرسول قال تخيرو نطفكم فان العرق دساس ...وفي حديث اخر في ما معناه ان البنت تخط لعده اسباب من ضمنها النسب!!!!!!!صح والا انا غلطانه والعايله والله ابد ابد ماهي من مواخيذنا ولا.. يمكن من مايواخذون الا انفسهم اسمحولي على هالكلمه.. بس التضحيه
تكون بحدود وهي لااااااااااعبه بمخه مضبوط وعارفه هو ولد مين علشان كذا مالنا الا الدعاء ياااااااااااااااااااااارب اصرفه عنها وارزقه بالصالحات من خلقك
وانتو تقولون نزوجه طيب ماهي هي اصلا مو موثوق فيها ولا على عيالها في تربيتها لهم كيف نامنها وهي اصلا مو حافظه نفسها يعني تكلمه وتسولف معه وهو اصلا كان دين وش حليله انا اخر شي كنت اتوقعه يطلع منه كذا اصلا من سلامه نيته انه فكر يتزوجها لو هو واحد نذل مافكر بهذا الشي وقال العب معها واوسع صدري وبصراحه اتوقع انه حتى الشوف شافه لانه دايم يقول بروح الرياض اتمشى وهو ماعنده سالفه........يارب ياحي ياقيوم انك تصرفها بنت ابوها عن اخيي وترزقه وترزق اخوي الثاني بالصالحات من خلقكك يارب.........اللهم صلي وسلم على محمد ...دعواتكم ياهل الخير

شوفي انا مااتكلم عن البنت ولاعن اخلاقها ولاانا مسؤوله عنها

بس انا اتكلم عن طبايعكم

اول شي تخالفون الرسول وتسون شي مكروه منهي عنه

وهالشي وارد بالحديث ( دعوها انها منتنه )

والرسول هو بنفسه زوج قبيليه من عبد اسود حتى يبين للناس ان هالفروق القبليه من الجاهليه والاسلام نهى عنها

ثاني شي لو اخوك هذا ماخذ سوريه ماحد فيكم تكلم ولافتح فمه مع انكم هي بعد ماتدرون وش نسبها ولاهي من مواخذيكم بس الناس صايرين مثل الجاهليه يسوون اللي يشوفون اجدادهم يسونه وهم مايدرون وش السالفه

على الاقل انكري هالتصرف على عائلتك بقلبك يعني لو كنت متردده بسالفه ان البنت تكلمه او هالشي كنت عذرتك بس كلمة مو من مواخذينا احسها كلمه جاهليه شوي

وتراني قبيليه بس عشان ماتحسبين اني متعصبه وترى هالشي مو هامني ابد لو كنت مو قبيليه كنت بفتخر وبرفع راسي الله واكبر وش زودنا عنهم هم احسن منا بكل شي لابالجمال ولابالطيبه ولابكل شي

هذي نصيحه لوجه الله ماحبيت قلمي يشهد علي يوم القيامه والله يهديك ويهدي الجميع