بنات ابي منكم حل .. امي بتسببلي الطلاق .

السلام عليكم ورحمة الله وبركاته


عزيزاتي هذي اول مشاركه لياا وانا شفت ان ماشاءالله بنات المنتدى يساعدون بعض فحابه اشوف ارائكم فمشكلتي مع امي ..


طولت عليكم اعذروني ..
امي من قبل زواجي بسنين ما عاشت معانا بمعنى ان كل فتره وفتره تروح لاهلها وتقعد 3 الى 4 شهور عندهم واحنا كنا صغار بوقتها انا بكر امي فالبنات ابوي يدلعني ويشوفني انا الكل بعد امي وماعمره حرضني عليها ودايم ينصحني ببرها ويضربني عشاننها ..
امي الله يهديها كل مره تتخاصم معي ع اسابب تافهه بذكرلكم وحده
مره جيت انظف البيت ورتبت البطاطين وحطيتها فوق بعض بالطول وهي زعلت ليش ما احطها بالعرض وصارت تصايح وتدعي وضربتني بقوه لين جا ابوي وتخاصمو وبرضو ضربني ابويا وحط اللوم علي وقالي مهما يصير اسمعي الكلمه قلت طيب وصرت ابكي تحرض اخواتي واخواني ان محد يكلمني والي يكلمني مابترضى عليه .. المهم خطبت ملكت وقرب زواجي قبل زواجي باسبوع بالضبط جات اختي الي اصغر مني ب 10 سنوات قلت لها يافلانه سوي كذا وهي طنشتني وراحت انا زعلت عليها وقمت خاصمتها انو غلط تسوي كذا مع اختها الكبيره وقامت امي وضربتني عشان اكلم اختي كذا وخنقتني من رقبتي من ورا وحطت راسي فوق الكنب يعني صرت مكتومه وحطت ملابس عشان لما ابكي محد يسمع صوتي وكنت احاول ابعدها بس يدها قويه وماقدرت واخوي الي اكبر مني دخل وشافها قام بعدها عني وانا صحت وبكيت لاني شفت الموت لولا الله ثم دخلت اخوي .. ابوي صحي بوقتهاوتخاصمو وقالت لو ماتطرد بنتك برا البيت والله ما اجلس ابوي ماوافق وقال هذا بيت ابوها وانتي لك بيت ابوك
المهم حلفت انو تنتقم مني وترجعها لي بزواجي وتخربه لي وبالفعل ليلة فرحتي خربتها وتخذت فلوسي وكل شيء المهم رجعت بعد زواجي بشهر قبل زواج اختي عشان يكون زواجها احسن مني وانا من حبي فاختي ودي افرش الارض ورد عشانها ففرحت مع ان اختي ماتعبرها امنا وتقول محد رباني غيرك ومحد تعب فيني واهتم لي الا انتي وانا مابيني وبينها الا سنتين المهم راح زواجها وامي لما رجعت قالت كذا قدامنا كلنا والله لانتقم منك ومن اخوك فلان الي هو الكبير عشانه بعدها عني واتهمته انه ضربها المهم بعد كل ذا سببتلي مشاكل كثيره بيني وبين زوجي وانا طيبه مني كنت اقول امي وزوجي اخر شيء حرم علي لو اكلمها وصدق بعدت وهنا طلعت عني سمعة وصخه جداً مع ان ولله الحمد محد مصدقها لانهم يعرفوني ويعرفون طيبتي وصدقي ويعرفون ان امي تحب تتهم وبس بس ماخلت احد الا سبتني وزوجي .. مره رسلت رساله لزوجي الله يحرمك الخلفه زي ماحرمتني بنتي قال من متى هذا الحب الي فامك لك ضحكت بس عرفت انها رسلتها عشان تكون باب للمخاصمه بيني وبين زوجي وبعدها طردتني من بيت اببويا وقعدت فالشارع لين جا اخوي الكبير واخذني انا واخويا الصغير لبيته ( والله والله زوجته احبها وتحبني مره بس استحيت اني جيت له 10 الصبح واني ادق بابها خفت تبا تاخذ راحتها المهم انا بعدت عنها مره ولاكن اخاف توصل لاهل زوجي الكلام كلو وتعرفون مهما كانو طيبين ابقى حرمة ولدهم مع ان الله يشهد ان عمتي عوضتني عن حنان الام
الي ادورله من سنين وان كل ما جابو سيرت امي قالت مرت ولدي طيبه وحنونه مالها بامها كفايه شايفينها ونعرفها بس والله اخاف مايقدرو يتحملون
الحين اختي ومرت اخويا ماشاءالله كل وحده فيهم حامل وزوجي يرجع الماضي يقول لو ما التهيتي بمشاكل اهلك وارتحتي كان حملتي هم تزوجو بعدك وكل وحده اثبتت حبها لزوجها ...
كلمت ابويا قبل فتره وقلت امي ابعدها عن زوجي قالها اني انا وزوجي تخاصمنا وبنطلق يقول ويحلف انها فرحت وقالت احسن خليها تيجي واخليها خدامه عندي .. شايفين وش تبى توصل له ؟؟؟ بالله احسها مرت ابوي او انا طبينتها ليشش معي انا كذا ما اعرف


والحمل والله سويت كل شيء ولساتني واثقه بربي وان شاءالله بيعطينا الخلفه الصالحه


والله ادري طولت عليكم بس الله يسعدكم قولو شسوي عشان زوجي ينسى لا تقولو عوضيه عوضته بس هو لسى يشوف اخطائي اول وما انتبه للي اسويه الحين وقالي لو ما حملت بيشوف حياته وانا ما اتخيل احد ياخذه مني لاني مره احببببه 😭💔




وششكراً الله يرزقكم ما تتمنون