بنات ...اتحملوني ضايق صدري ولا احد حاسس فيني

بنات حبيت افضفض والله دمعتي على خدي...مره نفسيتي تعبانه
القصه وما فيها ان عندي شاب اولى جامعه ..قولوا ماشاء الله.
المهم بعد معاناتنا مع التسجيل والقدرات وهادي الاشياء اللي انتم اكيد عارفينها ما انقبل ولدي الا في كلية المجتمع
وجا الترم التاني ومعدله ما دخله الا مختبرات كيميائيه ...وطبعا انا زي كل أم كنت اتمنى لولدي افضل شي ..بس للاسف خاب املي ......ووكلت امري لله لكن الان اذا اتخرج ايش هي وظيفته وكم راتب ه في هادا الزمن الصعب ...افكر كتير فيه والاب ولا على باله يقول انا ما أقدر اسوي شي مع انه هو السبب الولد طالع ما يتحمل مسؤليه واتكالي لانه البكري وكانت كل طلباته مجابه واي شي متوفر له ويخاف عليه من الهوى الطاير ...وطبعا مع كل اخوانه .....الحب الزايد والخوف عليهم من كل شي ...للاسف انا اعتقد هادا اللي خرب الولد وللكن ما ينفع الصوت بعد فوات الفوت...................حبيباتي طولت عليكم بس حبيت افضفض وما لقيت غيركم ...ودمتم