- السلام عليكم ورالله الله وبركاته
- احب اعرفكم بعاداتنا وهي مش بعيدة من عادات الخليج وتقاليدهم نتشابه كثيرا
- طبعا نحن بالغالب زواج تقليدي وكلنا قبائل ومهر البنت غالي وافراحنا مكلفة لكن جميلة ونختلف في بعض الحاجات
- عندنا يوم نسموه السياق لازم العريس يحضر لاهل العروس كل متطلباتهم ذهب ومهر غالي وبيت لوحدها بالغالب او شقة مع اهله وخرفان اوقعود وفاكهة وحلو وملابس ومواد غذائية وتنظيف وعطور
- وكل شي بعدها حنة العروس لازم تلبس زي تقليدى اسمه الرداء ولازم لون وردي وتحنيها صديقاتها وبنات العيلة او حناية وعشاء فخم وبعدين يوم الزفة في صالة راقية وتلبس العروس فستان الزفاف وبعدها الصباحية او الاسبوع تلبس زي ليبي تقليدي والذهب ويقيمو العشاء والعروس تحضر معها ملابس من ذوقها واذا حبت بعض الاثاث والعريس هو اللي مجبور يجهز البيت من مجاميعه
- ولكن الان بعد غلاء الاسعار وازمة ليبيا تناقصت بعض الامور لكن مازال الفرح الليبي مميز ومحتفظين بعاداتنا وتقاليدنا بلادنا تختلف عن بعضها بالزي وبعض الامور في الشرق والغرب والجنوب لكن المرأة الليبية عزيزة وغالية وقدرها كبير في كل ليبيا
- بلد المليون حافظ للقرآن الكريم والمشهورة بالطبيعة الساحرة
- نسيت اقول لكم عندنا اكلات مميزةلازم تكون بكل المناسبات هى الرز بالخلطة اي الكبدة والمكسرات وانتم تقولون عنه الكبسة والبطاطا المبطنة وهى بطاطا محشية مفروم وملبسة بالدقيق والبيض ومقلية وهى شهية ومعروفة بليبيا بالمبطن والغرب يفضلون الكسكسي والبازين والجنوب كذلك يختلف عن الشرق ونحنا بالشرق معروفين في مناسباتنا لازم رز بالخلطة وبطاطا مبطنة وغيرها من الموالح والحلويات وتتنوع اكلاتنا وهذا شئ يميزنا وشكرا لكم
- توجد صور بالتعليقات توضح كل شي تفرجو عليها 🩷
