بنات احتاج احد يوقف معي و يدعي لي .. الله يوفقكم لا تطنشوني ~

السلام عليكم و رحمة الله و بركاته

الحمدلله و الصلاة و السلام على اشرف المرسلين سيدنا محمد صلى الله عليه و سلم


بنات انا تعبانة قسم بالله و طلبتكم تدعون لي ربي يوفقني و ييسر اموري و يبدل همي بسعاادة

المهم انا يا بنات فيه شي يصير معي غريب احس اني متقلبة المزاج بدون سبب
و ازعل بسرعة يعني خلقي ضيق ماادري ليه رغم اني ماكنت كذا قبل

صحيح اني فرفوشة و دلوعة و ماحب النكد بس تجيني حالات خارجة عن ارداتي اصير فيها انسانة غريبة


الزبدة بخش في الموضوع مابطول عليكم
انا عندي مشروع ارتباط بس ماادري احيانا احس اني مترددة خاصة ان الشاب اللي بيتقدم لي
لسة عنده شوية عراقيل و يبغالي اصبر شوي بس من ناحية الاخلاق و الدين ماشاء الله عليه
اشياء كثير فيه مناسبتني مررررة و شفت منامات كثيرة مبشرة

المهم المشكلة مش هنا

انا لاحظت اني كل مااستخرت احس اني ارتاح بس هالحين مرتين اشوف في المنام بعد صلاة الفجر
ان فيه جني او روح او مخلوق غريب يا اما مرئي او احس به
مادري كيف بشرح لكم انها بتدخل في جسمي
و احس اني غير قادرة على شي ابدا لا اتحرك و لا اسوي اي شي غير اني اقرأ اية الكرسي بقوووووووة
و قلبي احسه بيوقف
الحين هذه ثاني مرة يصير معي كذا مادري ليه
رغم اني من قبل عيد الحج و انا مداومة على سماع الرقية و قراءة القرآن لو نصف جزء يوميا
و استغفر بعد كل صلاة

يا بنات انا تعبت و الله ان مزاجيتي هذه ذبحتني صرت اخاف الناس تبعد عني بسببها
و كمان هالشي اللي يصير معي بالنوم غريــــــــــــــــــــــب


وش تفسرون حالتي ؟ تتوقعوني هذا مس ، حسد ؟ خاصة اني حلوة مرة الحمدلله و كلن يشهد بجمالي و اخلاقي بس اموري معقدة مــــــــــــــــــــــــــــــــــــرة و الله كل ماقلت خلاص فرجت تضيق اكثر
اللهم لك الحمد


والله تعبت
وش تنصحوني فيه انا مالي احد احكيله غيركم
و متوكلة على الله ثم على نصائحكم ادري ماتقصرون يشهد الله ان حياتي تغيرت بفضل الله و بفضل هالقسم و المواضيع اللي استفدت منها

ادعولي يا بنات ارجوكم الله يخليكم لا تطنشوني


اعذروني على لخبطتي بالكلام و اذا مافهمتو علي شي بشرح لكم من جديد

و ارفــــــــعو الموضوع امانة تكفـــــــون :(