بنات احتاج دعواتكم لي بظهر الغيب وربي تعبت :(:(

السلام عليكم ورحمة الله وبركاتة
خواتي وحبيباتي في هالعالم ارجوكم تدعون لي بظهر الغيب ان ربي يرزقني بالذرية الصالحة عاجل غير آجل يا ارحم الراحمين
صار لي سنتين متزوجة وما كتب لي ربي الحمدلله كل ما اشوف طفل او اغراض حمل وولادة احس بغصة في قلبي نفسي احس هالاحساس ربي يكرمني يا رب
كل ما ادخل هالقسم دموعي ما توقف على حالي انا واخواتي المحرومات
انا رحت لطبيبة انا عندي مشكلة بالدورة لانه وزني كثير كبير وقالت لي نزليه لكن ما في ارادة مع انه هالشي حارمني من كلمة ماما بس نفسيتي تعبانه وانا كل ما تتعب نفسيتي اواسي نفسي بالاكل
الدورة ما تنزل علي عدل وتظل طوال الشهر تقريبا كل يوم تنقط مرة بني ومرة احمر لما رحت للدكتورة عطتني حبوب توقفها بين الدورات لكن سبب لي شي ثاني فترة الدورة طول يومي جنب الحمام كل شوي ابدل غزارة فظيعة وما قدرت فقطعت الحبوب وقلت سواة ربي ابرك
جربت كثير اشياء مرمية وجربت الرشاد وخلطة هنا للاخت حرم معاليه وكلها اشياء ما فادت الا بوقتها نظفت يومين يمكن ورجعت حليمة لعادتها القديمة
تعبانة نفسيتي كثير كثير كثير اضحك مع الناس وما في شخص يعرف بالغصة اللي بقلبي
اشوف ناس بوزني ويمكن اكثر يحملون ربي يبارك لهم ويرزقني
وانا ما غير من احد يشوفني ها ما حملتي متى بتحملين تراك طولتي ومدري ايش وكانه الموضوع بايدي او كاني لما احمل ما راح اقول لهم
كل اللي معاي امهات او حوامل ربي يتمم عليهم ويرزقني وهذا اللي مخليني بالصورة العيون علي :(
خواتي طولت عليكم وللحين في القلب غصة وكلام اكثر من اللي كتبته بس ارجوكم دعواتكم لي ولكم مثلها ان شاء الله ما عندي احد اشكي له او ابكي له بعد ربي غيركم
لا تنسوني من صالح دعواتكم :( :(