السلام عليكم جميعاً اسعد الله اوقاتكم بكل خير هذي اول مشاركة لي بهالموقع واتمنى تتجاوبون معي لأني تعبت خلاصص من التفكير…
بنات انا تقدم لي شخص على كلام اهلي رجال والنعم فيه هو دكتور دوامه اختلاط بالشوفة الشرعية كان جداً جريئ وامه صراحة ما حبيت تعاملها بس اني ارتحت للولد رغم جرائته يعني قعد يشوفني< انا جميلة الصدق بس انه بالغ بنظراته، وسولف معي ولا استحى واختي الصغيره كانت تصوره سوا اوكيه للكاميرا ومتردده بعد ابوه معدد وانا توني صغيرة عمري ٢٠ سنة وجميلة والكل يبيني اهلي يقولون لي ابوه معدد ونسونجي ومصيره يطلع زي ابوه وليش مستعجلة بس اني ارتحت له واخاف راحتي ذي اندم عليها بعدين واحس ماله علاقة ب ابوه واهله صحيح بعد ساكن ببيت جنبهم بس احس ماله علاقة مدري قولولي وش نصيحتكم
wafa365 @wafa365
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
مين قلك انه مدام الأب معدد معناه عياله يسوو زيه
يعني شيلي هالفكرة من راسك
واما انه شايفاه جريء
امكن انتي من بيئة منغلقة وهو لا متفتح
فعشان كذا هو يشوف اللي يسويه طبيعي
وانتي تشوفيها جرأة
دا غير لاتنسي عمله كطبيب واختلاطه مع زميلاته
يخليه اكثر جرأة من غيره
وردة فعله لأختك طيب اختك اللي سوته كمان جرأة
كيف تصور رجال غريب كذا
وبشوفة
يعني مافي رابط لسا حتى يخليها توقف قدامه وتصوره
وماقلتي كم عمره
انتي توك صغيرة
اذا الفرق كبير مرة فالأفضل تصرفي نظر
اذا توه صغير فاستخيري
وبعد الملكة شوفي اخلاقه وتصرفاته
وبالنسبة لأمه ايش يعني ماارتحتيلها
ياحبيبتي حطي في بالك الوحدة ماتتزوج الرجال لوحدة
تاخذه بكج مع اهله
يعني لو الأم عوبة ولا مو راضية عنك حتتعبي