بنات احذروا محل VICI

بنات الرياااااااض...
احذروا محلVICI اللي في العليا العام لسه فاتح جديد على بداية رمضان تقريبا ... المهم انا رحت له عشان اشوف ملابسه ما كان عنده شي مميز وقطعه قليلة نوعا ما فقال لي انهم بينزلون بضاعة على 15 رمضان لانهم فتحوا المحل وهو لسه ما اكتمل حتى الاسعار مو مكتوبه على البضاعة وهذا اول فرع لهم بالرياض ولهم فرع بجده وكانت اخلاقه ممتازة احترام و ادب و ذوق ...
المهم في نهاية رمضان رحت له مره ثانية اشوف بضاعته الجديدة وشفت قطعه عجبتني سبور نوعا ما واخذتها وكانت الساعه 12ونصف او 1 الليل (في العشر الاواخر) فقلت له عن الترجيع لو ماكانت مضبوطه قال الترجيع اليوم قبل ما نقفل الساعه 2 والتبديل ممكن (هذي الكلمه اللي قالها بدون زياده او نقصان ) ... وبعدين سألته عن رقم التلفون فحاول يضيع الموضوع عشان ما يعطيني الرقم وهوكاتب على الكيس الرقم والايميل و رقم افاكس و البريد العادي(كل المعلومات مكتوبه) فسكت يوم شفت الرقم خلاص مكتوب ...طلعت ورحت البيت وقست القطعه ما طلعت مضبوطه مره وكانت الساعه يوم وصلت البيت (مع زحمة الطريق )حوالي 1ونصف او اكثر وانا ما حطيت في بالي الترجيع قلت خلاص بكره اروح وابدله بمقاس ثاني او قطعه ثانيه او كرت او اي شي ...
فحاولت اكلمه وكانت الساعه قبل 2 تقريبا بالرقم المكتوب على الكيس وما احد يرد قلت اكيد سكر بدري عشان ماعنده زباين كثير...
ومن بكره من الظهر الى قبل اذان المغرب و انا اكلمه وما احد يرد (قلت اكيد ما يفتح النهار) ومن بعد التراويح وانا اكلمه (الساعه5ونصف) ومااحد يرد فيوم جت الساعه 10 او 11 تقريبا رحت للمحل عشان ابدل القطعه فالرجال كان كانه واحد ثاني 180 درجه اختلاف في التعامل و الاسلوب ... ويقول ان الترجيع و التبديل في نفس اليوم بسسسسسسسسس لا وقبل الساعه 2 بعد حتى لو ان المحل كان فاتح للساعه 2ونصف مثلا و انا جيت الساعه 2وخمس او عشر ما يقدر يبدل او يرجع او يغير المقاس ولوكنتي شاريه منه الساعه 2الاربع خلاص الساعه2 ينتهي كل شيييييي يعني القطعه اللي انتي شاريتها ارميها وانتي مغمضه من غير اي نقاش ,,, لا ويقول ان امس كانت وحده شاريه من عنده ب 3000 وما قدر يبدل لها المقاس بعد الساعه 2 يعني ترميه احسن لها

تخيلوا هذا النظام و الاسلوب ماصارت الساعه2 كنها الخط الاحمر للمدرسات عند التوقيع ,,, طيب لو ان ساعته مقدمه ربع وال نصف ساعه الزبونه راحت فيها والله هذا اسوب يقول الا غصب تشترين من عنده ,,, عندنا اكبر و افخم المحلات تسمح لك بالتبديل و الترجيع لثلاثه ايام او اكثر الى 15 يوم

مواسلوب يقهر و ينرفز الوحده ,,, ورقم التلفون اللي مكتوب على الكيس الظاهر انه وهميييييي (انا كنت ابي اكلمه عشان مايدخل الفلوس في الحساب واقدر ارجعه من بكره و ارتاح)

وتخيلوا حتي الفاتوره ما عطاني فاتوره يعني مالي اي اثبات اني شريت من عنده طيب يمكن دخل الفلوس في جيبه يعني واحد اسلوبه كذا ما اتباعد عنه اي تصرف ,,, ويوم طلبت من عنده اليوم الثاني الفاتوره على القطعه قال ما عندي فواتير !!!!!!!!!! تخيلووووووووووووووا بنات وش رايكم بهذا الاسلوب ؟؟؟؟؟؟؟؟؟؟؟؟؟؟؟