لاتخافي ولاتشيلين هم
فيه شامبو اسمه سنان وبخاخ بارا
استخدميه لبنتك وباقي بناتك
واستخدمي المشط اللي يجي معاها
وغسلي مفارشهم بنفس الشامبو
وكمان الاستشوار والمجفف الحراري يقتل القمل

بنات شهر ١٠ وشهر ١١ سمعت انه يتكاثر
انتي عادي كثفي عليها تمشيط الشعر وكل جمعه اعملي زيت لشعر وطلعي البيض حقه لانه مع الزيت ينزل بسرعه وحطيلها الشامبو حقه لحد ماينظف شعرها وبعد كذا كل وسط اسبوع اغسلي شعرها بالشامبو حق القمل

حبيبتي القمل نسالً الله السلامه منتشر في المدارس للأسف
العلاج اشتري شامبو اسمه سنان من الصيد ليه وحميمها به اول شي ثلاث مرات في الاسبوع وبعد أسبوعين استخدمه كل اسبوع مره فقط وباقي الاستحمام بالشامبو العادي وحتى اذا نظف شعرها استخدميه كل اسبوع وقاية وممكن خوفا من العدوى تستخدمينه مره أسبوعيا لأفراد الاسرة

الله يجزاكم خير
للاسف الدكتور كتب لي شامبو سنان ومالقيناه بالصيدليات عطاني الصيدلي واحد ثاني بديل .. والصيدلي اللي بصيدليات الدواء يقول مسحوب من وزارة الصحه !! مدري ليش حسيته بس يبي نشتري اللي عنده

المهم

الدكتور قال غسلي شعرها وبعد ست ساعات ارجعي اغسلي ومشطي بمشط منقوع بخل تفاح ..

انا الحين غسلت شعرها هي واختها بالشامبو
وشطفته بالماء والخل ..

وهو مبلل بالخل مشطته وابلل المشط كمان بالمويه والخل وانا امشط

ياني شفت بلاوي طلعت اعوذ بالله

بعدين جيت باجففه بالاستشوار لقيت سشواري خربان

للاسف حاولت شوي معاها بالسيراميك ..


الشراشف كلها حطيتها باكياس كبيره للمغسله

واللي اقدر اغسله غسلته

بخيت بف باف على كل البيت بشكل ماتتصورون

والحين لبست بنتي قبعه عشان لو باقي شيء في شعرها مايطير علينا

والدكتور قال لي هالعلاج استخدميه لمدة اسبوع

وسألته الوقايه : قال مايصلح تستخدمي هالشامبو يوميا .. قال ممكن تغطين شعرها بأي شي لو خايفه عليها ..

بكره بأخليها تداوم بقبعه عشان لا تعدي احد .. قلت اذا سألوك البنات قولي اذني ملتهبه ... عشان لا احد يتكلم عليها مسكينه وهي عدوى حسبي الله ونعم الوكيل .. حسبي الله ونعم الوكيل


وافكر اخليها تلبس قبعه على طول حمايه لشعرها بصراحه تجربة مؤلمة جدا نفسيا ومقرفه ومؤذيه

ربي اني مسني الضر وانت ارحم الراحمين

الله يرفع عن المسلمين هذا البلاء


اولاً ياغاليه

لازم تكلمين المدرسة
وتبلغينهم باللي شفتيه
موب لازم تفصحين عن اسم بنتك
لكن حددي فصلها

ثانياً

طريقة مجربة
جيبي خل ابيض ربع كاس
واضيفي له مويه حتى يمتلي الكاس

مشط متقارب الاسنان

بلسم

الطريقة

غسلي الشعر بالماء والبلسم

بعدين صبي بشويش الماءوالخل على الشعر بس انتبهي لايجي العيون

مشطي ومشطي ومشطي

واذا طلع معك قمل موتيه واغسلي المشط كل مره

غسلي الشعر بالشامبو

بعد الخروج من الحمام
مشطي الشعر ايضا بنفس المشط بعد تعقيمه


كرري هالعملية لمدة ثلاث ايام متتالية في الاسبوع الاول
ومره كل اسبوع

ثالثاً
استودعي الله نفسك وبناتك
واسأليه الحفظ من هذا البلاء