بنات اختنا مغربيه وينها؟؟؟؟؟

فعلا نفس الملاحظة اعانها الله ويسر امورها وان شاء الله نسمع منها خبر خير .

امين يارب والله اني دايم افكر فيها مسكينه مالها احد اهلها بعيدين عنها....

هذا موعد ولادتها ولالا؟؟؟؟؟؟؟؟؟ يمكن ولدت؟؟

الله يستــر عليها .... ويطمنا عليها ....

انشاءالله خيــر .... اتمنى تولد وتقوم بسلامــه ....

اميــن :26:

يمكن انها انشاء الله ولدت
الله يطمنا عليها

حبيبتي ليمونة فديت روحج انا والله اني فرحت يوم شفت الموضوع حسيت انه في أحد مهتم فيني ويحاتيني

لدرجة اني حسيت برغبة كبيرة في البكاء وفعلا دمعت عيوني

انا نفسيتي وايد تعبانة أمس 16\07 \كان موعدي بالالترا ساوند وصايرة تجيني الام وتروح بس المشكلة انه زوجي بيسافر اليوم وهذا الشي متعبني وايد خايفة اموت وما اشوفه ولا اشوف اهلي

انا انشغلت عليكم يا حبيباتي ها الايام اولا لاني مشغولة بتجهيز كل شي وثانيا نفسيتي تعبانة وثالثا كنت احاول (انا وزوجي) نخلص كل المواعيد والالتزامات اللي علينا حتى نكون متفرغين يوم الولادة وكنت احاول اخلص اوراق اختي لعل وعسى اقدر اجيبها من المغرب تقعد وياي وقت النفاس بس الله اعلم

والله ياحبيباتي نفسيتي كلش في الحضيض الاسفل والدكتورة قالت اني ممكن اولد في اي وقت ويا ريت شغل زوجي سفر يوم او يومين لا ... 10 ايام لانه يشتغل في خطوط جوية اجنبية .....ما لي الا الله وانتو ودعواتكم


وشكرا جزيلا حبيباتي والله يهون على الجميع

اختكم مغربية