بنات اختي بتضيع زوجها من بين ادينها

السلام عليكم ورحمة الله وبركاته
يابنات اختي مو معطيه زوجها وجه هذي السالفه بختصار والمصيبه انها مقتنعه ان الي تسويه صح
القصه بتفصيل:
يابنات كل اربع وخميس وجمعه وهي نايمه عند اهلي بدون سبب تجيب اغراضه وتنام هي متزوجه لها سبع سنين زهي على هذي الحاله تخيلوعندها ثلاث اطفال وهي ماتغيرت وكنت اقول اذا جاها اطفال بتتغيروتثقل وهي ولا هنا
هذا غير انه زاهده في دنياها ماتشتريلها لبس باستمرار مع ان زوجها كريم وربي فاتح عليه ويحب الزين والحرمه الي تكشخ وقالها كم مره هذا غير انها ماتقوله كلام حلو ولا كلام غزل وهو يفتقد ذا الشي
اتذكر مره انها صارت بينهم مشكله وهم يتفاهمون قالها انا امنيتي انك اذا شفتيني زعلان او جاي طفشان من الدوام انك تدخلين على وتقوللي لاتشيل هم دامني موجوده وتقوللي كلام حلو
ولاتهتم بنفسها ولالبسها ولانظافتها وبيتها دايم حوسه وعيالها الله لايوريكم قلة الادب والوساخه
تخيلو يتملهم شهر ماتحممهم والبس اعوذ بالله عمري ماشفت عليهم الزين وابوهم مو مقصر
الطبخ ماتنوع ابد واذا قلنالها قالت هو مايبغ يحب الكبسه وبس
يابنات تكلمت معاها كثير وقلتلها ان النوم هذا ماينفع وان الوحده غلط تترك بيتها وتترك زوجها لحاله انتي كذا تتفتحين الف مجال انه يفكر باشيا كثير
تخيلو مره نامت عند اهلي خمس ايام ورا بعض تدرون انه مسكين مالقى صحن نظيف يحط اكله فيه الي جايبه من المطعم من كثر مااستهلك الصحون كلها
ومره كلمها عند اهلي هي نايمه وقالها عندي المغرب رجال بيتقهوا قالت طيب وجت هي مع السواق العصر وخلت عيالها وخدامتها ببيت اهلي وسوت القهوهوالشاهي وطلعت من بيتها وراحت عنداهلي ونامت
مره تكلمت انا واختي الثانيه معاه وقلناله غير اسلوبك الغلط هذا زهتمي بزوجك وخليك ذربه وقوليله كلام حلو واهتمي بشكلك واكليه ودلعيه كانك تعاملين طفل وش تظنون ردت
والله انا ماراح اسوي الهبال الي انتو تسونه ولا راح ااكله ولا ادلعه ولا اساله وش وفيكوهو زعلان ان بغى يجي يقولي هو ولا بكيفه وانا ماراح اسوي الحركات الي تقولنها لاني احس كاني اذل عمري له

يابنات انا اشوف زوجها مايستاهل هاالحركات تخيلو او ماتزوجو كانت ساكنه عند اهله ولما بغت تتطلع علشان المكان والبيت ضيق قالها انا ماراح اطلعك بشقه اودور واشترالها بيت ملك بااحسن حي بالرياض والشغاله موجوده وكم مره شغالاته تصير بانها وبينهم مشاكل ويرجعهم عالطول ويقدم على جديده
واذا طلبوافلوس يعطيهم اكثرمن الي يطلبونه
يابنات انا الي الحين ابغاه منكم تعلموني وش اسوي والمشكله انازوجها تغير صار هوالي يبغاها تنام عنداهلي وصار مومثل اول يقول سولي وحطلي ولا صار يشتريلهاهديا اول دايم يجبلهاقمصان نوم ولا تنانير قصيره وبديات وغيره والحين ولاشي يذكرها فيه وجاتني اخبار من بعيد انه يبغى يتزوج
تخيلو مره خالتي نتصحهاوتقولها بعيد عن العين بعيدعن القلب ولازم ماتنامين وش تظنون تقول انه يحبسنا في البيت وما يطلعنا
قلتلها كل الرجاجيل مايطلعون دايم حريمهم بين فتره وفتره يطلعونهم
وحاولي تلهين نفسك بشغل البيت وبالمسلسلات ولا النت وخلي تفكيرك في الاهتمام فيه وانا لاحياة لمن تنادي وش الحل الحين
وش الحل الحين
زوجها لو يتزوج ويطيح بوحده دلعه والله موينساها الا ينسى العيال الي جابهم :(
لاتتركوني تكفون شورو علي