بنات اختي تحتاج وقفتكم

بنات بقولكم سالفة اختي وربي يشهد اني صادقه بكل حرف انا اعرفه وادري عنه بقرب علاقتي باختي

اختي تزوجت واحد وجابت منه ولد لكن للاسف صارت مشاكل وطباعهم مختلفه وطلبت الطلاق وتطلقت واخذت ولدها عندها بحكم انها مو متزوجه

وعاشت اختي عند اهلي متحمله نظرة المجتمع وصبرت واحتسبت وكل العالم يزنون على راسها تزوجي وشوفي حياتك لسى انتي صغيره وحلوه والمستقبل قدامك واولهم انا وامي

وهي رافضه علشان ولدها وكنا نقول حرام علشان ولد واحد لو ان عندها ثلاثه ممكن..

ويوم وصل ولدها ثالث ابتدائي بدينا نضغط عليها اكثر وتقدم لها واحد متزوج بس صغير من عمرها وشرح للوالد اسباب زواجه من ثانيه واقتنع فيها ابوي

وقال ان زوجتي موافقه وطلبوا اهلي يكلمونها ووافق وكلموها امي واختي وقالت لهم بالحرف الواحد لو مااخذها بياخذ غيرها يعني الرجال معزم وهي صابره وراضيه


وبعد اخذ ورد وتردد واستخاره وافقت اختي

وتزوجت وبعد الزواج بفتره قال زوجها انا مااقدر اعطيك الا ليله وحده لان عيالي يحتاجون لي وانا ادرسهم ومشغول ومن هالكلام

ورضت اختي لانها للاسف تحبه ولانها طيبه وقالت اللي علشان عياله انا راضيه فيه وانا بعد عندي ولد ولا ودي يفقدني كثير

بس ولدها بعد زواجها بشهرين اخذه ابوه وصارت وحيده تستنى ليلتها اليتيمه

وشوي شوي بعد زوجها تطلع منه حركات يبي يطفشها

واخر شي الاسبوع اللي راح يوم كلمته قالت ارحمني من كلام الناس القريب قبل البعيد يقول وشلون متزوجه ودايم عند اهلها قال اذا مو مرتاحه معاي انا بالشوفه انتي امري وانا انفذ وقصده الطلاق


اختي ماقدرت ترد لانها تحبه وماتبي تتطلق مره ثانيه

ورضت بالهم والهم مارضى فيها

والله ان حالتها تصعب ع الكافر وهي مادورته هو اللي دورها وكان يبيها ليه تغير

مع العلم انه حارمها من الاختلاط باهله مراعاة لزوجته الاولى مع ان ام واخواته يحبون اختي ويتواصلون معها بالجوال ويزورونها في بيت اهلي لكن هي ماتروح لهم

واخته امس تقول لاختي يمكن زوجته ضاغطه عليه وهذا زاد من ضيقة اختي

تقول طيب انا ماظلمتها ولا وافقت الا بعد ماشاورتها ورضيت بليله ورضيت يسافر شهر بالصيف ويتركني ولا يعوضني لو بيومين للشرقيه


لو ان زوجها متزوج وحده غير اختي توريها نجوم الليل بعز النهار وش بتسوي

ليه يوم صارت اختي طيبه وتخاف الله يصير كذا معاها

والله اني اكتب ودموعي تسبقني

مو علشانها اختي بدافع عنها لا والله انا اخاف ربي ولا ابي اظلم احد بس هذي الحقيقه

تكفون ادعوى لاختي اللي احس هالزواج ماجاها بخير ويكفي ان ولدها اخذه ابوه

وعطوني حلول تكفون