والله البنات ماصرو كفو ووفو انا اقترح تلبس الفستان الي يبغاه ولاتنسى تشتري قنيص جديد ولما تتحمم لجيب لها حوض صغير وتحط فيه ملح خشن ومره مطحونه او عادية كم حبة وتحرك المره لين تذوب شوي وتجلس فيها لمده عشر دقايق مررره حلوة تنزل الافرازات وتشيل الروائح الكريهة وبعدها تحط المسك الي قالو البنات عنه وانشاء الله اكون افدتك والله يولف قلوبهم ويسخرهم لبعض

عليها بالدعاءان الله يسخره لها...........آآآآآآآآآآآآآآآآآآآمين
هذي خلطه روعه لتنعيم الجسم من تجربتي الخاصه وكل من عطيته هالخلطه يتشكر لي وان شاء الله انها بتنفع لاختك
ملح الحليب فرغيه في علبه بلاستك او قزاز اهم شي يكون لها غطا وحطي عليه كميه متساويه من زيت بيبي جنسون وماء الوردوقطرات من اي عطر مركز حق الفواحات من بدي شب او زهور الريف وتكون السوائل اكثر من ملح الحليب تقريبا اكثر 2سم
وتستعملها بعد الشور وتدعك كل جسمها بحركه دائريه وتتركه 3دقايق ثم تغسله بماء بارد وتتنشف ثم اللوشن والتوليت .
اسأل الله العظيم رب العرش الكريم انه يرده لها ردا جميل
اهم شي تعيش معه طبيعيه جدا وتشيل من راسها زوجته الثانيه .

اقولكم المهم والصراحه ركض ذاك اليوم رحت العصر بدري وجبت عصير وكيكه صغيره باسم المولود ماودي احسسه اننا الاهتمام كله فيه يعني كيد حاريم بالعربي واكشخ البيبي واخوانه واتصل وقال ابشوف العيال طبعا هو قصده افهميها تراني ودي تاخذينهم لاني يوم قلت له ذاك اليوم قال اشوف مسوي ثقل قلت ماعليه المهمواضبط اختي مكياج كامل وزينت شعرها طبعا شكلها الصراحه مره حلو وبخرتها وعطورات وحركات واحط بالمجلس اضائه صفرا مره حلوه ونجلس ننتضر وتاخر قالت اختي ايه ماله نفس قلت ماتدرين وش ضروفه بدينا بالوساوس والخرابيط وانا صراحه على اعصابي اخاف يطنشنا على هالتعب ويالله ياكيرلي تحملي اختك وصياحها ونياحها كل الليل قلت اتصل والا اصبر اتصل ولا اصبر المهم واذالجوال يدق وانقز واطب على خشتي قلت هو اكيد وارد واثاريه رجل غلطان واصارخ عليه عاد الضعيف غلطان بس من توتر الاعصاب ملينا وانحاسو العيال وهو ماجا اذن المغرب وهو ماجا صليت واختي نفسيتها بالحضيض وانصب ابوسع صدرها قلت تصدقين الضاهر قالي بعد المغرب قالت لا قايلي انااااا بعد العصر قلت بقلبي انشاء الله علي هالتاخير جايب شي لها يفرحها
المهم وارتب هالبزارين ودن دن الجرس وقسم اي كني ابدوخ من الفرحه لان اختي بدت هالدميعات تبطبط وانا اصارخ عليها المكياجججج كلن علي همه سرى ونفتح ولاه هو وكشرته داخل لال وناحف
المهم ايه نسيت اقولكم التوصيات الي عطيتها اختي 1التجيبين طاري الثانيه واذا جاب طاريها اسكتي لا يحس منك شي 2اذابادرك بالطيب اغلبيه اذاثقل اثقلي 3حاولي تعيشين كان زوجك لك لحالك ولا تجيبين طاريها بزين اوشين ابدا ولا تحسسينه انك مهتمه ودك تدرين عن شكلها او اي مواصفات لها
المهم نرجع لابوكشره الي دخل وانا ارسل عياله يستقبلونه ويقعد يحبب وقال جيبو اخوكم يقصد المولود
المهم وارسله مع الشغاله ويجلس يتأمل شوي المهم ويجلسون قام الولد الكبير يبي يقطع الكيكه قاله لا اول ناد ماما المهم قلت لهم لاقطع لكم الكيكه جيبوها على طول كولوها عندي فاهمين لا اكسر روسكم ابي اختي تجلس معه برواقه المهم وارسل الشغاله تجيب النونو ويوم جت تدخل اختي وتموت من الصياح اوه واعصب عليها قلت انتي روقي لاتحسسينه بضعفك ولا صيحي لاشاف مكياجك وشكلك تبين تسدين نفسه منك من اول شي المهم واشوي وتركد اعصابها وتعوذ من الشيطان وتدخلياعمري من التهديد عيلها من دخلت عليه جو ركض لمي ياربيه حسيت اني خاله مرعبه والحمد لله ماسال عنهم وسكرت الباب واقوم اتسنن وهي عنده وادعيلها ان الله يركد اعصابها ولا اخفيكم اني يوم دخلت مت من الصياح من رحمتي لها ويجلسون للساعه 9 بالمجلس المهم وتطلع منه وهي اعصابها احسن من يوم تدخل بس هواجس قالت قال ابمر بعد شوي لاجهزتو اخذكم قلت كلكم قالت الا قلت خلاص رضعي الصغير دامي اخلي الشغاله تزل اغراضك المهم قلت هاه بشري بنات اذن ابقوم اصلي اكملكم العصر انشاء الله معليش اليوم جمعه العصر انشاء الله افضي واكمل

الله يجبر كسرها ويسخر لها زوجها ولا يشوف غيرها ,
من زمان وانا متابعة موضوع أختك , والشي اللي أثر فيني حنانك وحبك لها , الله يبارك لك ويجزاك الخير , اللي مثلك قليل هالأيام , الله لا يفرقكم ويجعل لكم من كل هم مخرجا .

السلام عليكم ورحمة الله وبركاته

اولا الله يجزاج خير فعلا انتي الاخت الحنونه والذكية والطيبه ووووو كثر ما اقول ما اوفيج حقج الله يخليكم لبعض
ثانيا الله يهدي لها ويسخره لها وييسر امورها أأأأأأأأأأمين