بنات اخت زوجي كيف اعاملها

السلام عليكم
كيفكم يابنات
والله عندي مشكله وحابه انكم تساعدوني عندي اخت زوج اصغر وحده بس هي اكبر مني ب15 سنه المهم -يالطيف دايما تضارب مع زوجها وتقول انه هو السبب ممكن لانه رجل فيه نوع من الخبث وكانت تجي تسكن عندي لما يطردها من البيت وتقعد كم يوم وتروح بيتها هذه المره حلفت انها ماترجع له
فزوجي هذه الايام مشغول فقال خلي واحد غيري ياخذها عنده او يجيبها عندي ما في مشكله لانه تعب من المرات اللي تجي عندنا فيها من لسان زوجها زعلت هي واخواتها واكيد انهم ظنوا اني ما ابغاها
راحت عند اخوه الاصغر منه ولها الحين اسبوع وسلفتي من النوع اللي يخرج دايما وحتى وهي-اخته موجوده تتركها وتروح فكنت اقول في نفسي يابنت حرام نفسيتها تعبانه روحي وناديها عندك وفعلا كنت اناديها تتغدى عندي وتتعشى ونشرب شاي وكل مااروح مكان اخذها معي ويوم طلعنا سوا وولدها ماخذ طبع ابوه قام يستهزء بولدي ويضربه دخل زوجي وشاف المنظر وقام زعق على ولدها ولما رجعنا قال لاخته ولدك سب ولدي وضربه عشان كذا انا قلت له روح بيت اخوي والشقه قدام الشقه زعلت وثاني يوم جلست تقول لي انها ماقدرت تنام من الزعل وان ولدها يمزح لما ضربه -اخذت على خاطري -قلت لها المزح مو بالضرب وقلت لزوجي ترى اختك زعلت قام كلمها انه انت راح تسكني معنا على طول لازم تمنعي ولدك من ضرب الاولاد ولو بالمزح وانت ماترضي ان ولدك ينضرب ولو بالمزح سكتت ودارت الموضوع بس قدامي وقدام الاولاد تزعق على ولدها وماتخلي ولدها يلعب مع اولادي وبما انها ساكنه في بيت اخوها فحتى ولد عمهم ماصار يلعب معهم واليوم رحنا عند اختهم الكبيره قامت تشتكي وتزعق على ولدها لما يجي يلعب مع اولادي
معليش طولت عليكم بس هي راح تسكن معنا فكيف اعملها واعامل ولدها اذا كانت هذه بدايتها
وعلى فكره ولدها ما ينطاق واخلاقه سيئه ولسنه طويل ويعمل العمله ويرمي بلاه على الناس
ابغى رايكم000000000:(