بنات ادخلوا!

بنات ..... أبغي اسم كريم يخفي الهالات السودة في أقل من شهر، مشكلتي هي إني يوم سافرت في الصيف، اشتريت كريمين من ماركة clarins، الواحد ب150 درهم، كريم حق الصبح، و الثاني حق الفليل، هذا كريم الصبح:



و هذا كريم الليل:



سألتها متى بيختفي السواد، قالت عقب 28 يوم، و أنا استخدمته من تاريخ 4 / 9 / 2005 و لين اللحين يالسه أستخدمه، أنا أرقد أيام المدارس 5 أو 6 ساعات، أما أيام الويكيند بين ال8 و ال10 ساعات حسب رغبتي للرقاد، و ما أرقد العصر أو الظهر بس الفليل، و ولا يوم تركت الكريمين، بس أنا يوم أحط كريم الصبح، أطلع برع في الشمس عشان يا بسير المدرسة أو المطبخ، و أيلس وايد على الإنترنيت و التلفزيون، و الصبح ما آكل غير سندويج جبن، و الغدى عيش و روب، و العشى حسب اللي يسوونه: معجنات، محاشي، معكرونة، بيتزا ..........، و السناك يا إما fruit salad أو junk food، و أنا وايد أتعرض للشمس في المدرسه، و عيوني حساسه وايد و دمع بسرعه في الشمس، أما في البيت، ما أطلع في الشمس واايد، إذا بسير مكان بركب السياره سيده و بلبس نظارات شمسيه، أو إذا بسير بيت حد من أهلي، ما أتعرض للشمس وايد، بيوتنا كلها عدال بعض و متلاصقه!

أنا كتبت كل شي عن حياتي عشان تنصحوني شو أسوي و تعطوني اسم كريم مناسب حقي، و أنا بشرتي من النوع الجاف في كل مكان في الويه إلا منكقة الخشم لأنها دهنيه!

لييز لا تتأخرون في الردوود!