حبيبتي انا واثقه من نفسي وماهمني حتى لو ماتزوجت صح مافي بنت ماتتمنى تتزوج بس كلها ارزاق من رب العالمين زيها زي الوظيفه الفلوس كل شي مقدر ومكتوب بس كثروا البنات اللي يقولوا صرنا عوانس انقهر من كلامهم ليه تحتقرين نفسك وعشان مين عشان رجال!!

لا ياقلبي لا تعتبر عانس ولاشي كثير عندنا يتزوجون فوووق ال30 و35 وعااادي كله نصيب ورزق

عقول الناس صارا متحجره

الوحده تصير عانس أحسن من يجيها واحد نذل مايخاف الله

كل كلمة والثانية نقول الــمــجــتــمــع .. من هو المجتمع ؟؟
أليس هو أنا وأنتِ وهي .. أحــــــــنا المجتمع .. أحنا اللي جعلنا بناتنا مهزوزات تنتظر أي زوج والسلام .. أهم
شيء لا يلحقها عار العنوسة ..
عذرا أختي - بنتي .. تزوجي من رجل تفوقينه علما وأكثر طموحا وتحمّلي عُقدة شعوره بالنقص ومحاولاته الدائمة
بإشعارك بإنه لا قيمة لك في الحياة .. حتى ما نقولوا عنك عــــــانس
عذرا أختي - بنتي .. تزوجي من رجل دميم الخُلق كرِيه المعشر وتجاهليه واهتمي بنفسك وطنشيه وعيشي لنفسك .. حتى ما نقولوا عنك عــــــانس
عذرا أختي - بنتي .. تزوجي من رجل طائش زوّجوه أهله عشان يعقل وكوني له الأم الصبور والزوجة الرؤوم
والصدر الحنون .. حتى ما نقولوا عنك عــــــانس
عذرا أختي - بنتي .. تزوجي من رجل فظ قاس يضرب لا يعرف من قاموس الكلمات إلاّ أقبحها واحرجيه بطيب
أخلاقك وقوة صبرك 4 سلندر .. حتى ما نقولوا عنك عــــــانس
عذرا أختي - بنتي .. تزوجي من رجل مزواج يهوى جمع النساء وبذكائك ودهائك أحكمي قبضتك عليه واسرقي
قلبه .. حتى ما نقولوا عنك عــــــانس
عذرا أختي - بنتي .. تزوجي من رجل تزوج فقط لإرضاء والديه وتحقيق رغباتهم والخلاص من إلحاحهم وتحمّلي سهره وطيشه وعبثه وسفراته ونزواته .. حتى ما نقولوا عنك عــــــانس
عذرا أختي - بنتي .. تزوجي من رجل تزوج أدمن المحرّمات وأشغلته المُلهيات وأسرف في الملذات وأسألي الله له
الهداية والرشاد والعودة لطريق الصواب .. حتى ما نقولوا عنك عــــــانس
يكفي .. ذبحنا بناتنا .. من تدخل أحلى سنوات عمرها .. بدأت تفكر .. وعلى أيامها تتحسر ..
ما تنام الليل من شبح العنوسة .. تضيّع أجمل سنوات الشباب والقوة والفتوة وعمر الصبا والجمال بالتفكير والهواجيس ..
طيب .. الزواج مـــــــو بيدها .. إن خطب لها أبوها قلتوا عيب .. إيش بيقولوا الناس عنها .. باع بنته .. أكيد فيها
شيء ..
الأمــــر بيد الله سبحانه ثم بيد الرجل .. إلاّ على فكرة .. تدرون ما يطلع كلام عن البنات اللي ما تزوجن إلاّ أحنا
يالحريم >>> جاهلية النساء ..
كما يصفها الكـاتب : عبدالرحمن الشهيب .. وقال .. أرجوكم .. /
لا تطالبوا بحقوق المرأة مرة أخرى فالمرأة في بلدي تلغي حقوقها بنفسها رغم ما أقرّه الإسلام لها من حقوق لترضى بجاهلية أخرى تسمى
” جاهلية النسا
تدرون مجتمع الرجال يهنّون اللي ما تزوج ولو عمره 40.. ويقولون إيش لك بالالتزام والربطة .. خلك حرّ ..
طليق .. وأحنا يالنساء عقدنا بناتنا وأخواتنا
نتكلم عن العنوسة كأنها مشكلة مستعصية أو عاهة مستديمة أو مرض مزمن .. من أقل حقوقها نعاملها مثل عزوبية الرجل مجرد استقلالية و حرّية وقسمة ونصيب ..