بنات ادخلو شوفو اختي تقدم لها واحد وايش صار ابي رايكم

السلام عليكم


يسعدلي صباحكم جميعا بالمسرات

:26: :26: :26: :26:

اليوم غير الموضوع عن اختي:39:


طبعا اختي نيرس في احدى المستشفيات

المهم قبل يومين جت تقولي في وحده معاهم قالت لها تبي تخطبها لواحد من جماعتها وانه هو كمان ممرض

ويبي ممرضه وتكون حلوه لانه هو حلو واهم شي عنده الجمال المهم قالت لاختي وضعه المادي اوكي وكل شي

وامه وابوه ميتين وخواته كلهم زوجهم وهو عمره 30 والحين يدور له على ممرضه مثله


المهم البنت قالت لاختي لو تقدمنا لكم توافقون قالت اختي لا طبعا جت تقول لنا انا هاوشتها بصراحه

وقلت لها ليش ترفضيه كنت خليتهم يجون وابوي يسأل عنه وبعدين ارفضي او وافقي قالت لا انا ماابي رجال

يغثني ولاطفل ابلش فيه ابي اعيش حياتي وحرة نفسي لارجال يقولي وين رايحه ولاوين جايه ولا يقولي لا شي

ولاتسوي وانا انقهرت منها وحتى امي وقعدنا نهاوشه تقول انا ماابي الزواج وظيفة وراتب وسواق وكل شي

اوفره لنفسي واعيش سلطانة زماني عاد امي قعدة تقولها هذي سنة الحياه ولازم واحنا مو دايمين لك

وهي تقول يجي بداله عشر اصلا الكل يدور هالايام موظفه عشان تساعده رغم زمان ترفض تقول ابي ممرض او

دكتور لان بيتفهم وضعي ووظيفتي وعملي وماراح يتضايق وقلت لها هذا هو جاك يامهنى على ماتتمنى جاك

مثل ماتبي قالت لا بس هو حلو قلت طيب وش تبين قالت لا يمكن يطلع احلى مني ماابي ابي اكون انا احلى

اجيها يمين تجيني شمال لان البنت قالت لها فكري واسالي وردي لي واحاول فيها تقول ماابي وراسها ناشف

مو راضيه والله يابنت قهرتني احاول فيها وبعدين جت تقولي كلامك خلاني اتحسف واتراجع وبعدين تقول لاتتكلمي

شوي بقتنع ماابي بس والله يابنات مستغربه امرها احيانا تقول مليت متى يجي واحد يطق الباب بفرح وكذا

ويوم جاء رفضته من غير سبب ولاتشوفه اقولها تعالي شوفي كيف بنات حواء فيهم موظفات بس مع ذاك مو مثلك

تقول ماعلي من احد قولولي وش السوات معها الحين تقول لو بيتقدم لي احد مابقولك عشان لاتوجعين راسي

وقسم انقهرت قلت الحين في بنات يبون العرس وناس تجيهم النعمه ويرفسونها وقلت لها بكرى اذكرك بتقولين

ليتني وافقت وتتمني احد يدق الباب وتعرسي وبتقولين فتو قالت قالت روحي بس انت مخك بالزواج وبس وتقول

انت غير وانا غير انت تحبي الاطفال انا مااحبهم وفعلا اختي ماتحب الاطفال وتقرف منهم ودايم تعصب عليهم

وعلى اتفه شي ولا مره ضايقوها تصارخ فيهم


وش اسوي معها مرات ترفض واحيانا تقول ابي اعرس ماعرفت لها وامي تكلمت معها وحاولت فيها وهي لاااااااااااااااااااااااااااااا


:angry::angry::angry:

ادعو لها بالهدايه يابنات وان الله يصلحها مره متعبتنا هالبنت معها هي طيوبه بس عصبيه مررررره وعلى طول زعوله

وماتتحمل شي الله يهديها ويشرح صدرها


واللي عندها راي او شي تقوله بس رجااااااااااااء بدون تجريح تراه اختي الصغنونه:04: