بنات ادخلو شوفو مشكلتي :(

سلام ..

كيفكم بنات وكل عام وعساكم من عواده

ومبروك عليكم العيد


بسراحة ماعندي اخوات : (

وحابة افضفض ولو بشوية ,, انا يابنات من زماااان يمكن 6 سنوات كنت ابغى اربي بسة وماما مررا مش موافقة

فلما نجحت جدو الله يرحمو جاب لي وحدة مرررا حلوة مع شهاداتها واوراقها وجواز سفر كمان .. ذا الشيء الي خلا ماما ترضى او تقتنع شوية

المهم شوية شوية ماما بدأت تحبها وسميناها جولي وكبرت معاية :(

وصرنا نشتري لها فساتين في العيد او اي مناسبة تكون حاضرة معاية >> نلعبها انا والبنات وكذا

ولو سافرنا ناخذها معنا وكذا

المهم كانت وحدة مننا ..


وقبل رمضان بكم يوم تعبت وكنت ادعي لها على طووول وصارت كويسة يوم ورجعت تعبت

تخيلو كنت امشي وادعي كلو ولا يحصلها شي وعالجتها كلو

وفي يوم جيت بدعي قلت بنفسي خلاص بتجني بس تدعين لو بيحصلها شي ذا يومها :icon33:

ونمت صحيت ماما تقول ماتت :44:

حزنت حزززززززززن محد يتخيلو

اشوف سريرها اشوف اكلها اشوف كل شي واتخيلها حتى مرا ماصرت اكل زي اول ونفسيتي زفففت

ماما قالت بجيب لك وحدة غيرها بس مستحييل حد يحل محل حد

سوري لاحد يقول كل هذا عشان بسة بجد لو زعلت تجي عندي وتجلس تسوي حركات عشان تضحكني ماتتصورو قد ايش كانت تحبني

المهم دحين صرت موسوسة

خايفة يحصل شي لماما يعني مو عارفة اقلكم قد ايش كل شي اتخيلو بيروح مني ماما اخوية ستي كللل الي حولي

تخيلو بس احلام وكوابيس حتى امس حلمت اني وحييدة وابكي ومحد عندي

وانا كل سنة في هذه الايام اكون فرحااااااااانة دحين ولا حسيت برمضان ولا بقدوم العيد ولا بشيء :44:


بليز بنات ادعولي ومابغى اي تجريح او كلام ماادري كيف انا ماقلتلكم الا اني حاسة حالي مرررا تعبانة : (