بنات ادخلو ضرووووووووري

كمستقبل اداره الاعمال افضل كثييييييييييييييييييييير

بنت اختي كانت رياض اطفال ما ارتاحت اطلعت بعد سنتين من دراستها تقول يطالبون باعمال ومجهود ولازم تكونين جريئه ترقصين وتصفقين زي معلمات رياض الاطفال

رياض الاطفال سيء وانصحك تبعدين عنه

وانا اتكلم اللحين مو من ناحيه الدراسه لاني ماجربتها اتكلم من ناحيه الوضيفه

أول شيء الوضيفه في روضات أهليه يعني راتبك راح يكون اذا مره كريمين

2000 ريال فقط

هذا اذا لقيتي الوضيفه بعد تعب وجهد

اما المدرسات في المدارس شوفي كم رواتبهم ماشاء الله

وطبعاً التدريس ماينفع تاخذين اي تخصص لان اغلبها اكتفو من سنين

مثل اللغه العربيه والتاريخ والجغرافيا والدين هاذي مكتفيه فل على الاخر

يعني لحد يفكر يدرس ويتعب نفسه في مثل ها التخصصات
واضم لها بعض التخصصات الغير مفيده اللي مستقبلها الوضيفي غير مضمون مثل رياض الاطفال

راح تتمرمطين معاهم تبذلين جهود وفي الاخير راتبك ولا شيء هذا لانها ماهي حكوميه

وانا سمعت انه بتصير روضات حكوميه لكن اتوقع والله اعلم انه حكي فاضي

حتى لو سووها ماراح يولونها اهتمام وكأنها مدارس وماراح يكون راتبك شيء تستقلين فيه مادياً

ويكون مساوي لجهدك اللي تبذلينه

اما اداره اعمال المجتمع اللحين ماهو متقبل ان أمرأه تشتغل في الشركات وتدير الاعمال المهمه

لذلك فرصه العمل اتوقع انها قليله راح تسمعين كلام كثير عن اداره اعمال والمدح اللي فيها

لكن زي ماقلت على الواقع مافيه كثير

لان قلما تشوفين بنات يشتغلون في الشركات او تفتح لها مؤسسه ويكون لها دور بارز فيها بحسب تخصصها االلي هو اداره اعمال

صح التخصص حلو لكن خارج السعوديه مجالاته اكثر بكثير
وطبعاً هذا مايعني اني أئيد عمل المراه في كل ماهب ودب

لكن اوضح لك ان اداره اعمال يصلح للرجال اكثر منه للنساء وانا السنه اللي فاتت كنت مثلك وكنت أسأل عن اداره اعمال
وعلى فكره النسبه فيه مرررررررره مرتفعه انا نسبتي حلوه الحمدلله وماقبلوني واختي نسبتها احسن مني وما انقبلت بعد

ما ادري ليش

المهم انا طولت كلام

أفضل شيء تكونين تحبين الشيء اللي تدرسينه لانك راح تقابلينه مده اربع او خمس سنوات

تخيلي تروح عنك كل الكتب الدراسيه اللي تدرسينها اللحين

وتصيرين تدرسين ماده علميه وحده وهي الاداره وماتحتويه من معلومات

لذلك لازم تحبيها من قبل عشان تمشين فيها فكري في هالنقطه زين

حبي اللي تدرسينه عشان تمشين فيه

على العموم انا ناويه ان شاء الله اكتب موضوع عن التخصصات اشرح فيه وجهه نضري عن كل تخصص

لازم تقرينه OK


على العموم اشوفك على خير ان شاء الله في موضوعي القادم

تحياتي لك

ولله تسلمون على ردود الي افداتني كثير بس ولله حيرانا في اي تخصص ادخله ويكون له مستقبل

حتى انا والله اني محتارة ابغى تخصص اكمل فية ماجستير ودكتوراه لأني بصراحة ماودي ادرس في مدرسة ودي اسير معيدة في الجامعة