بنات ادخلو وشوفو ايش صار لي انا واولادي الصباح وفضل الأستوداع

السلام عليكم ورحمه الله وبركاته

بنات حبيت افضفض لكم

قبل 4 ساعات من الان صار لي انا واولادي الصباح حادث
وحنا رايحين للمدرسه
طبعا انا انزل اولادي واروح لشغلي
بنات سياره السواق مره صغيره يعني اي حادث يعجن لك السياره عجن ماتتحمل
المهم انا دائم استودع نفسي واولادي
واقول يارب ماابغى اموت انا او اولادي اومن احب في حادث او حريق اوقتل اوغرق
يعني اسأل الله ان جاء اجلي ومن احب نكون ساجدين لله((يعني سكته قلبيه))
اللهم لاتفجعني ولا يفجعكم في غالي يارب العالمين
واحسن خواتمينا يارب

المهم يابنات اليوم عرفت فضل الأستوداع اللي كل صلاه اكرره وادعيه بلساني
تخيلي يابنات عند اشاره وبجنبنا شاحنه كبيره لما صارت الاشاره خضراء الشاحنه مشت وسحبت
سياره السائق معها ((يعني التصقت سياره السائق بالكفره الخلفيه بالشاحنه من جهه بنتي عمرها 7 سنوات يعني لو اسرع رحنا تحت الكفر )) بس الحمدلله حين شعر صاحب الشاحنه سحب سياره معه وقف بعد مامشى تقريبا مسافه قليله جدا )) والله يابنات لما وقف راعي الشاحنه تذكرت على طول فضل الاستوداع لانه هو لاف علينا يبي يلف معنا يمين

وبنات قاعده اقول لو صار لي حادث ومت
ايش راح اخذ من الدنيا لا وظيفتي ولا اولادي ولا زوجي ولا بيتي ولا شيء
طيب ليش انا دايم اتهاوش انا وابو الشباب على اتفه الاسباب وضيق صدري مع ان الرسول صلى الله عليه وسلم قال من ماتت وزوجها راضي عنها دخلت الجنه ((هو زوجي يرفع الضغط بتصرفاته لاكن بعد اللي صا رلي الصباح خلاص وش لي بالمشاكل ابي اتحمل زوجي وغيره ووسع صدري واتعامل مع الكل لله فقط واترك كل شي يغضب ربي خلاص ابي اعيش يومي واترك كل شي وراء ظهري من هموم وغيرها وتوكل على الله ومايصير الاماكتب الله لنا

بنات موضوعي ابي ابين لكم شيئين :
1- فضل الأستوداع لما تقولين((اللهم اني استودعتك نفسي واولادي ومن احب وانت الذي لاتضيع ودائعه وانت خير الحافظين ))
2- الدنياااا زائله لاتخلووووون ولاشي يكدر انفسكم عيشوها وتونسو ونبسطو ولاتغضبو الله ابد ابد علشاااان مصيرنا الموت كلنا لاكن ماندري متى وبأي ارض نموت((كلنا ندري نبي نموت لاااكن غافلين بمشاكل الدنيا وهمومها ومحد يستاهل يخليني اخذ ذنوب واخسر جنتي بالاخره خلونا نشري الاخره ونبيع الدنيا ونعيش يومنا براحه والتفاؤل لااا لنكد للمشاكل للهموم فقط وناستنا مصحوبه برضا الله عزوجل فقط

اتركم بنات واستودعكم ربي من كل شر
وسامحوني على عدم ترتيب الكلام لسى ماني مصدقه ان الحادث عدا على خير وسياره السائق تحلفي انها لم تلتصق بشاحنه ابد اللهم لك الحمد كما ينبغى لجلال وجهك وعظيم سلطانك