السلام عليكم ورحمة الله
انا لي فتره مسجله معكم والحمدلله مرره حبيتكم وارتحت لكم
واليوم ابي اقولكم شئ في خاطري واتمنى القى كلام يحمسني
انا عمري 20 سنه وادرس بالجامعه .. قبل فتره سمعنا ان فيه شخص يبي يتقدم لي
طبعا صديق ابوي قال له في ناس اتصلوا علي يسألون عنكم ويبون نسبك
المهم وعرفنا اسمهم واسم الولد وبعد فتره رجع صديق ابوي يقول الناس يعتذرون ويقولون مافيه نصيب
بعد ضغط واجباار من ابوي .. قال صديقه انهم سألوا عنا وفيه ناس(حسبي الله عليهم بين أذان واقامه)
قالوا انتبه ان الناس فيهم وفيهم .. يمين بالله كله ظلم وافتراااء
المهم الظلم هذا كان كبير علينا .. وكلنا من ابوي لأصغر اخواني قلنا حسبنا الله ونعم الوكيل
ربي بيحاسب كل واحد بذنبه
المهم المشكله فيني انااااااااااا :06:
قلبي تعلق بالشخص اللي كان بيخطب
احلف لك يابنات انه جاء بنفس المواصفات اللي انا تمنيتها ورسمتها في بالي
وحسيت بشئ يجذبني تجااااااهه .. وانا مااعرفه مجرد اسم ووظيفه ووضعه الديني < مطوع وهذا اللي حببني فيه اكثر
والله شئ في قلبي انا ماقدرت احكمه حبيته بشكل
حتى اللي سمعناه ان الولد كان مصررر يخطب عندنا بس ابوه اللي رفض بعد ماسمع الكلام من الشخص اللي طلع الكلام حسبي الله ونعم الوكيل
تعلق قلبي فيه وجذبني فيه شئ مااعرفه .. حاولت انساه ماقدرت
لدرجة اقول لنفسي ربي بيرزقني باللي احسن منه .. وقلبي يقول لااا هذا اللي ابيه ماابي غيره
حاليا انا صرت ادعي دائما في سجودي وفي قيام الليل وفي صيامي الاثنين والخميس
وكل اوقات الاجابه ان ربي يجمعني بالشخص هذا
ويقيني بالله انه بيستجيب لي ان شاء الله
لي تقريبا اسبوع وشوي وانا اقوم الليل وادعي كثير
بس تجيني اوقات افكر اقول كيف بيرجع ويخطب وش بيقنعهم !! اعوذ بالله من ابليس
بس لما افكر بالمنطق احس انه مستحيل .. ومافيه شئ مستحيل على رب العالمين
عشان كذا يابنات انا كتبت الموضوع من باب اني افضفض
واطلب منكم تدعون لي ان ربي يرد لي الانسان هذا ويجمعني به بما يحب وعلى مايحب ويجعلني
خيرا له ويجعله خيرا لي ويقنعه هو واهله بي مثل مااقتنعت به .. ويقنع اهلي به مثل مااقتنعت به
الدعوه في ظهر الغيب المستجابه فلاتحرموني من دعواتكم الله يسعدكم دنيا وآخره
واذا فيه تجارب بالدعاء لمثل حالتي واستجاب ربي وتحقق شئ شبه مستحيل
قولولي قصصكم .. انا محتاجه دافع يدفعني .. الله ينور دربكم ويسعد ايامكم
يلزم عليك تسجيل الدخول أولًا لكتابة تعليق.
كللي حنيه
•
عسى الله يفرج همك ياارب,,وما تدرين يمكن الخيرة انك ما تاخذينه على العموم اذا فيه خير فـ أسأل الله في هذي الساعه انه يجمعك به يااارب.....
الله يجمع بينك وبينه بما يحب وعلى مايحب عاجلا غير اجل
بصراحه لو انا مكانك تطيب نفسي على طووول مافيه خير يسمع كلام الناس :(
بصراحه لو انا مكانك تطيب نفسي على طووول مافيه خير يسمع كلام الناس :(
الصفحة الأخيرة