مبارك عليكم الشهر
انا قايلتلكم من اول سبب المشكلة سهراته ونومه برا البيت وتغيره معاي ومع عيالي سنة ونص وانا متحملة لحد ماقلت لابوي وراح قال لعمي ابو زوجي ,زوجي طبعا انهبل لنل مو بزر تشكوني لاهلي خلاص بعاقبك على تصرفك اني اطلقك ,وبعدين صار اللي انتم عارفينه كله
رجعت للبيت صرت احاول اكلمه وهكذا
بس مستغربة تناقضه اول ليلة وصل يقول ماراح ادخل البيت وانتي فيه ولاتحرجيني
بعدين يجي ولا يعبرني
و تقولون ضميه سوس حطي انا زوجي مايحب ذا الحركات وهو لسه شايل مرة سويتها وانا حامل دفني ذيك الدفة اللي بغيت اسقط
وهو سبق وقال انا اذا صرت زعلان لاتنشبين في حلقي
كل اللي اقدر اسويه اشياء بسيطة تهنئة برمضان على الجوال اخلي هدومه نظيفة وهكذا
بس تدرون منيب متخيلة نفسي افطر لحالي ضايق صدري
ودي زوجي يرضى بسرعة وترجع الحياة عادية
بس هو صعب مرة ومحتاج وقت
بس انشالله انه نسى موضوع الطلاق قولوا امين

امين الله يعينك واكثري من الدعاء وانت صايمه وبين الاذان والاقامه وعند الفطور لاتنسين تدعين ان الله يهديه ويحنن قلبه عليك

يالله يارب ان كل شي يرجع مثل اول واحسن

يالله يارب يهديه

اختي كان الله في عونك بعض الرجال مايرضون بسرعه يبغى لهم مده وشكل زوجك من هالنوعيه صعب يرضى على طول

ونفس الكلام بعض الرجال اذا كان زعلان لاتتلزقين فيه ما يبغى هالحركات بالعكس يمكن كذا يزيد خليك من بعيد لبعيد (انت ونوعية زوجك وشكل زوجك من النوعيه الي ماتبغى هذا من كلامك ) لما تحسين انو نفسيته حلوه او اخف هذيك الساعه حاولي تتقربين له !!

هاتي ورقه واكتبي كل اللي يضايقك منه وكيف انه تغير معك ومع العيال وانه يسهر برى البيت
وانك تحبينه وماتستغنين عنه وتتمنين انه يرجع مثل اول واحسن باسلوب جذاب طبعا خلي كلام الغرام والحب يتخلل الرساله واكتبي كل اللي في خاطرك وحطيها على مدخل البيت الصباح اذا بغى يروح للدوام المهم خليه يقراها برا البيت او اذا كنت بتطلعين برا البيت وهو موجود حطيها في مكان بارز بحيث يقراها وانت مو قدامه ) +ارسلي رسايل جوال عتاب وغرام
+الدعاء في جوف الليل سلاح فتاك

واصبري يمكن يطول (انا اعرف وحده قاعه حوالي سنه لين رضى بالعافيه

والله يكون في عوننا يالزوجات

الله يعينك يا أختي .والله ندعي لك بهالشهر الفضيل ...

عندي كلمتين أبكتبهم لك :

أولا الحين العتاب ما ينفع ..لكن أتمنى أتمنى إنك ما تدخلين طرف ثالث في حياتك نهائيا ..إلا في الحالات القصوى .....

ثانيا صدقيني يا الغاليه اللي كتبتيه مو أساس المشكله !!

أساس المشكله هو السبب اللي خلاه يهمل بيته وأولاده ويسهر برى ..

هل هو البعد عن الله ..؟؟

رفقاء السوء ؟؟

سبب في البيت ؟؟

فيه هو في نفسيته ؟؟..شيء متعبه ؟؟؟

فيك أنتي ؟؟..شيء يضايقه ؟؟؟

.........

المفروض اختي كنتي عارفه أن الوضع في تدهور واللي حصل نتيجه طبيعيه لهالبعد اللي بينكم ..

أنتي الحين أبعدي عنه ..ما أقول قاطعيه ...لكن حركات رومانسيه وضم وغيره ما ينفع نهاااااائيا ..

هو سلام ورسالة جوال والإهتمام فيه مثل ما ذكرتي إنتي بالظبط

وقبل كذا ادعي ربك في كل وقت وفي كل صلاه وعند الفطور ...يهيد زوجك ويصلح بينكم ويألف قلوبكم ....

تدرين اختي السالفه يبي لها صبر وطولة بال ..وصدقين ما بعد الشده إلا الفرج وما بعد العسر إلا اليسر ..

إنتي أصبري وتحملي ..وصدقيني هو بدا يلين لكن يبي له وقت ..شكله حساس وعنيد وفيه عزة نفس زياده ..أصبري عليه ...وانا حاسه إنه بإذن الله بيرجع ...لكن طولي بالك ...

الله يعينك يا اختي وحنا معاك ندعي لك بهالشهر الفضيل ..

أسأل الله أن يهدي زوجك ويرد لك أبو عيالك ويفرح قلبك بجمعة عايلتك من جديد..

أسأل الله ان يلقي في قلب زوجك الموده والرحمه والمحبه ......

..................

خليك صابره عليه وطولي بالك .. اتركيه مع نفسه شوي ..لان فيه نوعيه من الرجال إذا عصب ما يحب احد يقرب منه يحب هو يروح يزعل ويرجع من كيفه ...فطولي بالك شوي ...ما أدري لكن أحس موضوع إن أبوه يكلمه في الموضوع ضايقه جدا و جرحه !!

الله يعينك ويصبر قلبك ويشفي جراحك .......

دوري