بنات ادنبره ممكن تتفضلوا عندي ...

هلا هلا هلا
مغتربة جديده بادنبره


يامرحبا يامرحبا
قهوتك عندي :22:

ان شاءالله رجعة لك اجاوب اسألتك
بالنسبه للمدرسة العربيه معلوماتي مو مره فيها
عموما
راجعه لك :22:
وتراك طابه في مجتمع حلو السعوديات هنا كلهم عسووووووووووولات
اقول اسكنوا جنبنا ماعندي جيران ههههههههه <<<لصقه

رجعت ..............................

بسم الله نبدأ
1- قلت لك والله اختي عن المدرسه معلوماتي مو كثير
لكن كأني اذكر انهم يداومون 3 ايام في االاسبوع من 5 الى 8 المسا
اظظظظظظظظن مدري ههههه

2-بالنسبة للمعاهد ملييييييييييييانه وكثير بنات يدرسون وطبعا لازم تعتمدين على نفسك وتستخدمين الباص
اذا كان زوجك زييي 24ساعه برا (((حظرتي ما طبيت باص لين الحين خوافه))

3-بالنسبه لادنبره مدينه مو كبيره مره لكن هاديه ومريحه ((بالنسبه لي)) وفيها اسواق ماعليها
بس مافيه مقارنه بينها وبين لندن طبعا :22:
ناسها عاديين مافيه عنصريه الحمدلله كثير يطلعون بنقاباتهم وعادي جدا
وبالنسبه للسكن عموما في بريطانيا غالي لكن على حسب في بعض المناطق مو غاليه مرررررره
لكن اذا كنتوا بتسكنون حول المدرسه العربيه اتوقع غالي شوي

اما عن وش تجيبين جيبي اغراض القهوه والشاي وكل مايتعلق فيها من صحون وفناجين
وتمرر اكيد والبخور ومبخره بس لا تكثرون مره تنغثون بالعفوش وغير كذا الطياره ماتسمح بعفش كثير
وفيه اغراض يجيبونها الناس انا القاها هنا عادي ماحس اني اضطر اشحن معي مثل القشطه الكريم كرمل
المهم واضح جيبي الاشياء الي ماتتوفر هنا
وملابسك كثري الرسمي والتنانير اما ملابس البيت والشتويه هنا احلى بكثير حتى لبنتك
وفيه محلات لحم حلال كثير هنا وبهارات واغراض كثير عربيه


4-اما السعوديين ماعليهم تقريبا اذا مو غلطانه 25 عائلة او اكثر
مررره حلو مجتمعهم الحرايم متعاونات وتقريبا كل جمعه وحده تجمع مجموعه طبعا شاي وقهوه بس
وكل عيد او اذا فيه مناسبه مهمه مثل النجاح يصير تجمع بقاعه كبيره
وعشا وكل السعوديين يجون مررررررره وناسه
والرجال يتجمعون كل جمعه في الليل بمناسبه او بدون
ومافيه رسميات كثير كلش بساطه
ان شاءالله راح تنبسطين


وانا حاضره لأي سؤال واستفسار
<<تتمصلح عشان تسكنين جنبها ههههههههههههههه

لان كل السعوديين ساكنين حول بعض وحول المدرسه العربيه وانا مرزوعه بعيد عنهم بس قريب من جامعه زوجي ولا عندي عيال يدرسون ولا شي وما تعودت عالباصات فيعني الله يحييكم حولنا:22:

على فكره انا مالي 5 شهور من جيت هنا :hahaha:

هلا والله فيك اختي um hana2

ومشكووووووره ياقلبي على الرد

واكيد لازم نتعرف على بعض ويمكن نصير جيران بعد هههههههه

لان زوجي مو مأيد نسكن حول المدرسه يقول غالي ويخوف

وفيه احياء احلى واهدأ منه

على فكره انت وين ساكنه وباي حي وان شاء الله مو غالي خخخخخخخ



ويقول زوجي انه ماشاف ولا عائله سعوديه وماشاف ابد منقبات وانا خايفه من هالنقطه

يعني مابي يكون شكلي ملفت وغريب وبنفس الوقت ماعندي استعداد اترك النقاب




وحياك الله اختي um hana2 مره ثانيه واذا ممكن نتواصل عبر المسنجر اذا ماعندي مانع

ويعطيك الف عافيه خيتووووو...


ووين الباقي وين بنات ادنبره نبي نكون شله :42:

انا لي صديقه فادنبره الله يذكرها بالخير وتمدحها من ناحية انه مافي عنصريه ويلبسون نقاب عادي وفيه سعوديين ماتذكر كثير والا لا بس مبسوطه هي فيها ومرتاحه الحمد لله الله يسعدها ويسعدكم يارب ..عاد انا يمكن اجي جنبكم فجلاسجو لسه مااتاكدنا وتقول صديقتي انها مررره قريبه من ادنبره لدرجه ان السعوديات يجون فالنادي السعودي حق ادنبره ويتجمعون معاهم ..ودي بنات تكلموني اكثر بعد عن جلاسجو و وش تعرفون عنها ..

معقوووووووووووووووووووووووووووووووووول ماشاف ولا وحده
كثير ساكنين حول المدرسه الي اعرف يمكن 5 عوايل

واحنا منطقتنا بعيده ترا عن السيتي سنتر :(
اسمها wester hailes
قريب من جامعه هيروت وات الي فيها زوجي

بس على حسب انتوا تبغون شقه ولا بيت حنا في بيت
ومو غالي بالنسبه للبيوت الباقيه
ب525 باوند ودورين يعني زين
وطبعا غرفتين وصاله ومطبخ وحمام واحد فوق هذا يعتبر وسيع
راح تنصدمين باحجام البيوت هنا مرررره
بسس الحلو في بيتنا فيه حوش وموقف سياره داخل الحوش وحينا هادي
مع ان المنطقه الي فيها السعوديين ارقى وانظف ترا
بس اغلى:22:


وترا ماقد شفت ابد وحده بادنبره هنا في المنتدى ولا في قلاسكو
بس ان شاءالله البنات يفيدونكم اكثر



نريم
حياك الللللللللللللله في قلاسكو اكيد راح نشوفك على كذا
وترا السعوديين هناك يقولون اكثر لان المدينه اكبر
لمن مين الي تعرفينها هنا اعرفهم كلهم خخخخخخخخخخ << ملقوفه
امزح لا تقولين لي ولا شي