السلام عليكم اشلونكم بنات ..
بقولكم السالفه على طول ..انا تقريبا من سنه متزوجه ولما دخلت بيت زوجي الحمدلله كونت علاقه حلوة مع اهل زوجي واخواته وحبيت امه وخواته من كل قلبي وعديتهم مثل خواتي وطبعا في اثنين من اخوان زوجي متزوجين بعد مارجعت من شهر العسل سهرت مع خوات زوجي وتموا يسولفون عن زوجه اخوهم الكبير واكتشفت انهم مايحبونها رغم انها هي تقريبا كانت توها عروس يعني تزوجت قبلي بسنه بس واقعدوا يحشون فيها ومايحبونها وطبعا زوجه الكبير لما شافت ان الخوات صاروا يحبوني وكل وقتهم معاي صارت تغار مني غيره مو طبيعيه وعلاقتي معاها كانت سطحيه لاحب ولا كراهيه ونادر مانقعد مع بعض وطول مااخوت زوجي مجتمعات كل سوالفهم عن زوجه اخوهم الكبير ,ومواقفهم معاها يكرهونها ومايحبونها ولما يسافرون يجيبون لي صوغه وهي لا
المهم الحين صارت مشكله بيني وبين خواته وطبعا الاخت الكبيره هي السبب وانا اصلا كنت في بيت ابوي من ااخر رمضان بسبب وفاه اخوي الله يرحمه قاعده مع امي وكانوا دايما خوات زوجي معاي مايخلوني وبعد كم يوم من العزا صارت سالفه في بيت اهل زوجي وطبعا بسبب اخته الكبيره ووصلني الكلام وتهاوشت معها في التلفون وصارت مشكله بينا والحين مانكلم بعض يعني تقدرون تقولون اني انلدغت منها والحمدلله زوجي واقف معاي وانا للحين مارجعت بيت اهل زوجي وقاعده عند الوالده وزوجه اخوهم الثاني مو اللي يكرهونها الثانيه تقول لي انهم صاروا طايرين بزوجه اخوهم الكبير اللي كانوا يكرهونها ويحشون فيها وكله قاعدين معاها سوالف وضحك ويطلعون معاها واتوقع ان الحين الايه بتنقلب بيسوون معاي اللي كانوا يسوونه معاها واللي كانوا يسوونه معاي بيكون معاها وانا هذا كله والله مايهمني طبعا هم 3 خوات الكبيره هي العقرب والوسطى هذي طيبه فديتها اوقفت معاي والصغيره هذي ام المصالح تشوف مصلحتها وين وتمشي وراها تخيلو كانت تسب زوجه اخوها الكبير عند امها وبعد شوي تطلب منها فلوس ومجرد ماتاخذ الفلوس ترجع تحش فيها مره ثانيه
الحين زوجه الكبير المفروض تعرف انهم ماصاروا اوكي معها الا عشان يقهروني مب عشان سواد عيونها
والله خوات زوجي فهم عيوب الدنيا وانا كنت معطتهم وجه زياده وحاطتهم فوق راسي فيهم غرور وكبرياء الا اللي بالوسط غير عنهم وان شالله مايجي يوم وانصدم منها امي كانت دايم تحذرني تقول لا تقطين الميانه زياده عن اللزوم وماكنت اصدقها
حبيبااااااااتي ابي منكم الطريقه....
اذا رجعت بيت زوجي هم بيكونون يسوون حركات قدامي عشان يقهرووني والله يعلم انهم ماصاروا يهموني ولا يحركون اشعره فيني عشان كذا ابي اسوي اشياء تحسسهم انهم ولا شي ولا بيهزون اشعره مني بحركاتهم مع زوجه اخوهم الكبير لان بصراحه انا ابي العلاقه تصير رسميه اهم شي عندي زوجي وابوه وامه وهم الحمدلله اوكي معاااي
قولوالي كيف اسوي معاهم عشان انا اللي اقهرهم وابين لهم انهم مايقدرون يقهروني ولا يرفعون ضغطي
وبس ..
بنات في شي ابي اوصله لكم هم لما كانوا يحشون فيها قدامي مو انهم يقولون لي اانا يعني مثلا اذا انا كنت قاعده في الصاله هم يجون يسولفون ويحشون فيها مع بعض سواء انا موجوده ولا لا وامهم كله تهاوشهم اذا اسمعتهم يعني مو انهم ينادوني عشان يحشون فيها وانا كم مره قلت لهم تراها تاخذ حسناتكم ومع هذا مايسكتون يعني هم تعودوا ماعندهم سالفه الاهي انا الحمدلله مالي بسوالف الحش والخرابيط والله حتى انا بيني وبين نفسي استغرب منهم اشلون يضحكون بوجها ومن وراها حش
ومشكوورين
M!$$ D!or @m_dor
عضوة
يلزم عليك تسجيل الدخول أولًا لكتابة تعليق.
احلام حلوه
•
روحي بيتك ولا تضربين لهم حساب ولاتتدخلين فيهم ولايدخلون فيك قومي بواجبك لامه وبس وطنشيهم
دياري sa
•
اذ احد غلط عليك من اهل الزوج صعبة هاوشينة او اي شي
لكن خليك بس السلام ومع السلامة لاتهرجين ولاتسولفين معهم ابد ولاشي انا هذي طريقتي اذ احد اذان وظلمن اخلية مثل الجدار وبالاخير هو يبدى يقوال عند الناس وشبة فلانة ماتبين ولاتعبرن
ونصيحة لاتصدقين خوات الزوج
لكن خليك بس السلام ومع السلامة لاتهرجين ولاتسولفين معهم ابد ولاشي انا هذي طريقتي اذ احد اذان وظلمن اخلية مثل الجدار وبالاخير هو يبدى يقوال عند الناس وشبة فلانة ماتبين ولاتعبرن
ونصيحة لاتصدقين خوات الزوج
شوفي حبيبتي ذا رجعتي لبيت زوجك بالسلامة مرة لاتعطيهم وجة وعادي سولفي واضحكي قدامهم ولاكانهم موجودين وبكذا بتقهريهم باسلوبك وحاولي بقد ماتقدري انك تكوني سطحية معهم وبعيدة بنفس الوقت عشان مايدبرو لكي سالفة ويحطوها فيكي وشوفي كيف بيموتو قهر منك وردي وقوليلي وش صار معك واحسن **** عزاك في اخوك و**** يرحمة
*bana*
•
الصراحه مع احترامي لك ولهم حركاتهم حركات اطفال لاتنزلين نفسك لمستواهم خلك عاديه واذا حشو في الناس قولي لهم حرام الحش يمكن زوجه الكبير ما تركتهم الا ان العيب فيهم خلك عاقله وساكته ما عليك الا من زوجك وامه وابوه احترميهم بعدين انا احس ان الوحده اذا تزوجت لازم تكون علاقتها بااهل زوجها رسميه شوي علشان ما يحقرونك
حبيبتي ما عليك فيهم سوري على الكلمة بس لا تعتبرينهم شيء اللي بينكم سلام وبس
والاهم انك تتعاملي معهم باصلك خيتوووووو
والاهم انك تتعاملي معهم باصلك خيتوووووو
الصفحة الأخيرة