من تدخل فيمالايعنيه وجد مالا يرضيه انتي وش دخلك بجواله هو حر بجواله يعني لافتشتي جواله وكان يغازل وش بتسوين… له رب يحاسبه هاذا الشي بينه وبين ربه وهو وضميره انا زوجي مو راعي علاقات ويخاف ربه حيل ولازعل كل شي يقووووله اذا علي اللي قال عادي كلهم كذا ريحي اعصابك بتسمعين ازود ولاعاد تتدخلين باغراضه انتي لو يفتش جوالك. بتعصبين لو مرسله لاخت رساله وانتي ماتبين يقراها تنقهرين… كل واحد له خصوصياته بس حاولي بدون ماتفتشين تذكرينه بربه وانه متزوج وحرام اللي يصير واعرفي وش ناقصه… وليه يسوي كذا…

يا أيها الذين آمنوا لا تسألوا عن أشياء إن تبد لكم تسؤكم

وقال تعالى (( ولا تجسسوا )) نهى الله عز وجل عن التجسس

ضربني وبكا سبقني واشتكا فوق انه يخونك تعتذري منه ؟؟؟؟

كيفك تبين تروحين بيت هلك روحي
تبين تجلسين وتسكرين فمك عن استهتاره برضوه كيفك
تبين تجلسين معه وتفتحين موضوع وقت مايكون هادي وتقولين يافلان وش فيني عيب ولاني عاجبتك فيه يومنك رجال وابو عيال ويضحكن عليك هالمراهقات وهال :::: تعرفين اللفظه قوليها ماعليك
وش فيك يوم انك تطرد مرتك ام عيالك اللي حافظتك وصاينتك وحافظه شرفك وعرضك وعرض بنياتك وعيالك ورافعه راسك
عشان ايش تطردني عشان عرفت انك تمشي في طريق غلط نهايته غضب الجبار ونهايته مؤلمه
طريق كله خراب ودس واسرار
وانصحيه يروح يتعالج عند الطب النفسي
والله يعينك
ونصيحه لاتفتشين الجوال وتتبعين سوالف رجالك
اذا شكيتي فيه الا وانت مضبطه عمرك يعني مستحيل
يكشفك خلك قد حركة التفتيش ولا ابعدي عنها احسن
واذا الله اراد وفتشت جواله في وضع امني ماحد حولك
انقشي ارقام بنات السوء
وسلميها للهيئه
قولي بيخربن حياتي دوريلك مطوع بالهيئه واشرحي له الوضع
وبسس
ولاتطلعين من بيتك وتخربين حياتك او تفضحين ابو عيالك عند اهلك وربعك
عشان بنات !!!! مايخافن الله ولايرجن ماعند الجبار

عجيب امرك بصراحه 
يعني داشر وراعي بنات 
وقالك انقلعي بيت اهلك 
ورحتي تترضينه!!!!! 

وين كرامتك من هذا كله !!!!!!