بنات اذا عندك ظروف قاهره شهرين مصروف الف يكفى 3اشخاص

يابعد عمرى يام هادى ماقصرتى
اانا اقصد من ناحية اكلهم وشربهم مايحبون تكرار الاكل او الشرب هالشى متعبنى

قصدك كل شهر الف
ولا الف في الشهرين?
لو قصدك الف على شهرين ما اظن تكفي مقاضي المطبخ لو شي بسيط بسيط حدود ال700 او 800
وطبخ مرة وحدة
مو طبخ غدا وعشا
زيدي الكمية للعشا
الدجاج اشتري المقاس 1200نص للغدا نص للعشا
ونواشف واجبان للفطور
وريالات مصروف البنت احسبي كم تاخد في اليوم اضربيه في 20 يوم
وكيس حفاضة دا لو الف في شهر واحد

حبيبتي صحيح المبلغ قليل بس انتي خذي ورقه وقلم واكتبي الأساسيات فقط وان شاء الله بتكفي والبنت صغيره يعني من الحين عوديها مو كل شي تبيه تاخذه في أيام سعه ورخاء وفي أيام شده عوديها من الحين علي الي انتي تبين ماتدرين مستقبلها وش خاش لها لو ربي رزقها بانسان علي قده مشكله مابتتاقلم ولا تضمن الغني فانتي ربيها وعلميها من جديد وربي يوسع عليك ويرزقك ان شاء الله

الغى البامبرز وعودى طفلك على الحمام وافرشى سرير الولد بمشع عسب لو ماقدر يتحكم مايتوسخ الفراش بتوفرى مبلغ محترم انا مرة شفت حرمة تعيد تستخدم البامبرز لوالطفل مابال يعنى تستخدم يومين بدل يوم مع علم ماعجبتنى الفكرة ولكن كلن لهم ظروفهم
الاكل دام انتو 3افراد نوعى في الاكل الدجاجة تقدرى تاكلها على ثلاث مرات اللحم المفروم لوسويتى ادام او حتى المكرونة اضيفى بطاطا وبسلة فكذا بدل تستخدمى الصحن مرة تستخدمى مرتين ونفس اللحم اشترى تونة حلو وسعرو مقبول سوى كشرى يوم مثلا سوى يوم الايدام خضروات فقط مع رز ابيض اشترى طبق بيض وتفننى في العشا نواشف


اشترى لبنتك فطور الروضة والكيك انتى سوى بدل الجاهز وممكن تشترى لها كم كيس شبيس وكم علبة بسكوت والحليب والعصير وكل يوم شى فقط
المنظفات يومين في الاسبوع استخدمى منظفات وباقى التنظيف استخدمى الصابون البورد اى نوع رخيص بتم معاكى المنظفات اكثر من شهر
مرة واحدة شافتنى اشترى منظفات وهى قالت لى الطريقة


الخرجات ممكن حديقة تمشية خفيفة ورخيصة والعيال يفرحوا لكن لا تروحى حديقةبها الالعاب كهربائية بفلوس
بالنسبة للفواتير ادفعى لو مبلغ بسيط عسب لاينقطع الكهرب والماء


والاهم لو روحتى تشترى المقاضى لاتاخذى الاطفال عسب لاينشبوا فيكى

اكثري من الاستغفار واقعي سورة الواقعة كل يوم فهي امان بإذن الله من الفقر وادعي ربك يرزقك ويوسع ويبارك فيها