شوفي حبيبتي السلطات عموما تقدرين تقطعينها قبل بيوم في الليل طبعا بعد ماتغسلينها والصوص بعد قبل بيوم إن شاء الله من الظهر عادي وبشرط الصوص ماينحط على السلطه إلا وقت التقديم نجي عاد للتفاصيل:
1- أحرصي إن الخضار بعد غسلها تكون ناشفه عشان لما تقطعينها ما تذبل
2- لما تقطعين السلطه لاتحطين الانواع من الخضار مع بعض يعني قطعي كل نوع لحاله في علبه او صحن ليوم العزيمه بعدين أخلطيهم مع بعض
3- لاتكثرين تقليب(خلط السلطه)لان الخضار تتفعص ويخرب شكلها
4- الطماطم مايتقطع إلا يوم العزيمه الصباح إذا غداء او العصر إذا عشاء والخس بعد لانه ممكن يسود
5- الخبز ممكن تسويه قبل بفتره ممكن اسبوع بعد القلي او التحميص ويحفظ في الثلاجه اوقبل القلي ويحفظ في الفريزر
6-السلطه الي فيها مقالي عادي ممكن تنقلي قبل بيوم مع ترك كل نوع لحاله في علبه (بس فيه تغير خفيف في الطعم عن المقليه في نفس اليوم)اما الزهره فأنصحك إنك قبل ماتقلينها تسلقينها 5دقايق بعدين تنشفينها وتقلينها قلي خفيف
7- الصوص ممكن زي ماقلت قبل بيوم حتى لو فيه زبادي ومايونيز ولو مافيه بعد قبل بيوم لان الصوص العادي (زيت زيتون -خل -ليمون - ثوم - ملح ) ممكن يخرب لو سويتيه قبل بثلاثة ايام لان فيه ليمون وثوم
وإنشاء الله تستفيدين ويستفيدون الباقين واي سوأل حاظرين

قطعي كل نوع وحطيه بصحن وغلفيه بنايلون وحطيه بالبراد وقت العزومه اخطيهم وحطي الصلصه الي تحبي عليهم يعني بس تخلصي الطبخ ورتبتي السفرة افرمي ادوات السلطه وكل وحده لحالهما ةغلفيها بنايلون

شوفي بالنسبة للخبز انا احمصة انشالله قبل باسبوع ما يخرب اخليه يبرد وادخله الثلاجة..

صوص السلطات عادي تسوينه قبل بيوم عادي انا مجربته مايخرب ايضا..

اما تقطيع السلطات ممكن اذا غداء انك تقطعينة الليلة الي قبل..او اذا عشاء في الصباح..

ممكن انك تسوين بعض الاشياء اللي تساعد مثلا تعصرين الليمون وتحطية في علبة بالثلاجة..
تغسلين الخس وتنشفيه والخيار وتقشرينه وتدخلينه للثلاجة..

البقدونس يغسل ويترك ليجف وممكن انك تقطفينه او تفريمينه اذا قبل بيوم مااظن انه بيخرب..

والله يسهل امرك..

up

اشكركم يابنات شكراً جزيلا والله انكم ماقصرتوا الله يعطيكم الف عافيه ...