بنات ارجوكم ابغى حل مشكلتي مع ولد حماي

بسم الله الرحمن الرحيم

كيف حالكم بنات ؟

بنات بكتب لككم المشكله وانتم احكمو .

يمكن البعض يشوفها عاديه بس وربي انها مجمرة بقلبي . هذا ياطويلات العمر عندي حماتي زوجت اخو زوجي يعني (عمنا) عندها اربع بنات وولد هذا ولدها عمرة 8 سنوات شقولكم عنه وربي يابنات ان كل شر الاطفال في راسه شي مو طبيعي مسميته (شارون) ويرد على الكبار مو مؤدب هذا شي والشي الثاني الضرب قسم بالله لو تشوفون ضربه ضرب رجال مو ولد يخوف وغير كذا اهله مسترجلينه انه رجال وهايطون فيه ومافي امل امه وابوة يضربونه انسي .
المهم لو اوصف لكم من هنا لبكرة ماخلص المهم هذا الولد متسلط على بنتي عمرها خمس سنين كل مايشوفها يضربها يشد شعرها ويرفسها مع بطنها يخنقها مع حلقها مايرتاح لما يبكيها يتلذذ بدموعه ويدور الزله عليها لو اييش تسوي حتى يقول انااكرها بنتك مااطيقها ودي اذبحها , مستحيل يمر يوم مايضربها يقول هذي مدلعه مااحبها وبنتي خوافه ماتضرب وتخاف منه مستسلمه له لو يحط السكين بحلقها بس ماتاخذ حقها , يابنات شسوي مع هالولد لاتقولن بزران والله لو اني اشوف ان بنتي هي الي تتبلاة كان اقول تستاهل بس قسم بالله انه يدور اصغر الزلات عليها وهي خووووووافه منه وربي انه عقدها لدرجه ان اذا ضربها تصارخ تقول مااحب الاولاد وتقول لامه خليه بالبيت لاتجبينه قلت لزوجي ويهاوشه بس مانفع فيه وقلت له قل لاخوك يربي ولدة جنن البنت يقول انه قال (احنا مانبي نعقدة ) تخيلو الام مافي امل تقوله شي لو يحرق بالبيت كله عشان كلام زوجها .
يابنات لي حق اهاوش الولد دام امه وابوة هذا منطقهم لي حق اضربه وربي انه عقدني سبحان الله صرت مااطيقه هالولد حتى زوجي عجز معاة ويقول مدري شسوي فيه هاوشه وهددة بس مانفع فيه .
يابنات والله ان هالمشكله مضايقتني واني انقل هم اذا جو عندنا او طلعنا معاهم تخيلي واحد اكبر من بنتك متسلط عليها كل مايشوفها يضربها وربي ان مرة تكرمون استفرغت من الضرب الي ضربها ماكنت موجودة كانو بالحوش يلعبون جت اخته قالت ياعمه محمد ضرب بنتك لما رحت شفت البنت طايحه بالارض ومستفرغه وسالت اخته قالت محمد كفخها عشان بنتك ماعطته مويه اااااااخ ياربي انتظر امه تتكلم لاحياة لما تنادي دخلته بالمجلس وماقالت شي حسبي الله ونعم الوكيل .
يابنات الصبر نفذ مني مع هالولد شسوي معاه المصيبه اهله يشوفون تصرفاته بس عااااااادي عندهم كانه عاجبهم

لي حق اهاوشه اضربه ارميه في شارع جنني قسم بالله جابلي الهم . امانه حطي موقفي بمكانك