بنات ارجوكم انصحوني اسافر ولا لأ؟؟؟؟؟

تحية طيبة وبعد: كيف احوالكم ياالعزيزات بتمنى ماتطنشوني هالمرة وساعدوني انا متغربة عن بلدي منذ ان تزوجت الحمد لله بعيدة عن المشاكل ووجع الراس بس كل مابنزل اجازة الا مايصير مشكلة مع زوجي او اهله مع اني بحاول كتير ساير الامور لان دايما زوجي بيهددني انو مابقى يسفرني واني اقعد عند اهلى لان انا ماعندي بيت هناك واهلي واهله جيران كل شي بيعرفوه عني وهو دايما بدو رضى اهله كل شوي بيحاكيني رحتي عند اهلي ساعدتي امي شو عملتي وين رحتي ووو معيشني بقلق مابرتاح ابدا وهو مابيقعد معي بالاجازة بس بيسافر معي اول يومين وطبعا لازم عند اهله وهو مابينام عند اهلي وبيرجع بيسافر وبنكون متفقين انو يرجع ياخدني بعد شهر مثلا بس مابيوفي بوعده وانا بحترق بالنار بيتركني شهرين واحيانا اكثر ومشاكل وتدقيق وبيت اهلي ضيق وانا معي بنت وولد اشقياء ومابصدق امتى اخلص وارجع سافر لبيتي واستقر:09: مشكلتي الان انا كنت اجازة بالصيف ورجعت للغربة بشهر 8 وانا كل صيفية بسافر وبرجع بس بابا بدو يحج هالسنة بأذن الله ولاول مرة ونحنا بسوريا بس يرجع الحاج بيعملولو زفة وبيزينو البيت وووو كأنو عرس 7ايام حابة اني انزل عيد ببلدي وشارك اهلي بهي الفرحة يعني مو اكتر من 15 يوم عم حاول اقنع زوجي بس قال مابيقدر يترك شغله بيسافر معي وبيتركني كالعادة وبعدين بيرجع ياخدني وانا كتير خايفة:( اولا خايفة ماعاد يسفرني ويخليني بسوريا واذا كان بدو يرجعني مثلا بدو يتركني مدة طويلة وانا مابدي لان بسوريا كتير برد وبيت اهلي صغير مابدي ضايقهم وانا نفسيتي بتتعب كمان مع كثرة المشاكل بس بدي سافر هو بيقولي اقعدي عند اهلي بس انا بيت اهله مابحبو واخوه متزوج عند امه وهاد بيت العائلة ودائما في ناس وزحمة ووو قرف وبيتهم بالذات كتير بارد لانه مفتوح فيه فتحة سماوية اه اه والله حابة يكون القرار بيدي وعلى كيفي شو الضمان اني ارجع سافر او انو مااقعد فترة طويلة 15 يوم وكفاية..هل اسافر ام لأ؟؟ كيف بدي علق زوجي فيني ومايقدر يستغنى عني:22: هو متعود على حياة العزوبية وبيعرف بشغل البيت خصوصا الطبخ يعني مو ناقصه شي وبيجيب اصحابه للبيت وبيكون كتير سعيد وانا بيكون قلبي ولع نار بس بدي ارجع لبيتي وعيش بعيدا عن المشاكل:eek: . كتير بضايق لاني بحس ان زوجي مو فارقة معو ان كنت قريبة ولا بعيدة ياريت يتغير وحسو انو مو مصدق امتى ارجع او انو مايتركني ابدا يعني نسافر مع بعض ونرجع مع بعض.دايما بيقول انو بدو يشتري بيت بسوريا واقعد انا فيه وهو كل شهر بيجي لعندي 5 ايام بس انا رافضة ياربي كيف بضمن انو مايتركني واني ارجع بسرعة انصحوني منتظرتكم:26: