بنات ارجوكم تساعدوني محتاجة نصايحكم بجد[

انا عندي ١٩ سنة مخطوبة لشاب عن حب ٦ سنين وسنة خطوبة يعني مع بعض بقالنا حوالي ٧ سنين والمفروض هنتجوز ممكن بعد سنة بس انا تعبانة اوي معاه وفي نفس الوقت مقدرش اعيش من غيره ايام بحسه بيحبني وايام اكتر مبحسش بدة اول لما بدانا نتكلم كان بيكلم بنات كتير وابقى عندهم يسبني ويدخل اوضته علشان جتله مكالمة واشوف واسمع كتير وكنت بعدي ومبتكلمش بدا يتغير لما لقاني بصبر ومبتكلمش على الي بيعمله حصل بينا مشكلة وبعدنا فترة كان غلط فيا دخل في حياته بنت تانية وبعد فترة رجع اعتذرلي دة من حوالي ٤ سنين كدة او٥ ورجعنا لبعض والبنت دي لسة لدلوقتي لما يحصل بينا زعل او حاجة عادية يكلمها وطول الوقت على اي حاجة تافهة يعمل مشكلة بمزاجه وطول الوقت منكد عليا ومش حاسة اني بنت مخطوبة خالص وعايشة فترة خطوبة مع الانسان الي بيحبها المفروض ومهما يحصل انا الي لازم اعتذر وهو ملاك مبيغلطش وهو الي ديما صح مافيش حاجة عنده اسمها نقاش وف الاخر يقتنع بكلام حد مستحيل لازم انا الي اطلع غلط مع اني والله العظيم ماببقاش غلطانة كان عندنا من الفترة وجتله رسالة من رقم وفضل يداري الموبايل مني ومبيخلنيش امسك موبايله خالص ولما جه مرة تانية انا مسكت الموبايل وهو مش موجود فتحت الواتس ولقيت الرقم وشوفت صورته لقيتها نفس البنت وبينهم كلام كتير ورسايل كتير وبيقولها ياروحي وغيران عليها من صورة كانت حطاها ليها هي واصحابها ومعاهم ولد معرفتش اواجهه لاني كنت عارفة انه هيغلطني ويقولي ازاي تمسكي الموبايل كدة وانتي بتشكي فيا ويعمل مشكلة عليا علشان يضيع الي هو عمله بس دلوقتي بندم اني متكلمتش معاه وطول الوقت بحس انه بيكلم بنات والبنت دي بالذات وقتها في وسط كلامنا قلتله اني مبعرفش انام كويس قالي ليه وكدة وقلتله معرفش واتكلمنا بس مقولتلوش اني شوفت حاجة قلتله بحس بس كدة ف اوقات حلف بحياتي انه مبيعملش كدة خالص وحلف ايمانات كتير وان البنت دي مبيكلمهاش خالص واخر مرة كلمها كنت شايفاها اليوم الي قبله ومانعني من كل حاجة اني اعرف اصحاب او ادي رقمي لحد حتى قرايبي الي عندهم ولد ممنوع اروحلهم او ادي قرايبي البنات رقمي رقمي للبيت وبس بقالنا سنة مخطوبين مخرجناش ولا مرة مع انه كان بيقولي كلام كتير قبل الخطوبة كان محسسني اني هعيش ف الجنة بس لما نلبس الدبل ومحصلش اي حاجة من الي قالها من كتر نكده عليا بقيت عجوزة من الحمل الي عليا وتعبت بجد انا عارفة اني طولت وطولت اوي كمان بس كدة ومحكتش حاجة وبجد تعبت ومش عارفة المفروض اعمل ايه وكمان مقدرش اعيش من غيره يارب تفيدوني بارائكم