ايش السلبيه هذي يا بنات انقليها لالالالالالالالالالالالالالا الا المعلمه تتادب واذا المديره ماتخاف الله بالضعوف الصغار روحي مكتب الاشراف وارفعي شكوى خطيه لادارة التعليم وياحبهم للشر بيحققون في الموضوع لانك اشتكيتي معلمه هذا في حاله وحده اذا مالها واسطه واذا لها لا يمكن تترفى بعددددددددد

السلام عليكم

احب اعتذر عن التأخير في ردي , واشكر كل من ردت على مشكلتي

ام سارونا الحلوة , راعية مبدأ , حمودي وعبودي, أم الثلاثه , الحائره , راس المعزة , سحايب صيف, أمل الروح , *اخت النجوم* , عسيله


المشكله يابنات تطورت لان في اليوم الثاني ( الجلاوزه ) حراس الشغب اللي وقفتهم المعلمه ضربو بنات الفصل ورجعت بنتي تبكي ,

طبعا انا راجعت المدرسه وواجعت المعلمه اللي بكل تأكيد نكرت وادعت اني اتبلى عليها لاني من الاول ماكنت حابه بنتي تدخل عندها , والاداره رفضت انها تنقل بنتي من فصلها وقالت اقصى شي يقدرون يسونه انهم يكلمون المعلمه .

وبكذا المشكله زادت تعقيد , لاني صرت خايفه ان المعلمه تاخذ موقف من البنت وتحقد عليها
وماستفدت اي شي . مع ان الاداريات حاولو يقنعوني ان هذا الشي ماراح يصير , لكن كله كلام ,
وش يضمني بكره لو تنسى لها قلم او دفتر ما تستغل الفرصه وتطلع حقدها فيها , وهذي طفله مهما حرصت ممكن تسويها ,
وخصوصا اني راح تجيني ولاده قريب انشاء الله وبنشغل عنها , وساعتها مالي حق اتكلم لانها بتعتبرها غلطانه .

خلاص عقلي وقف من كثر التفكير , حتى اني فكرت اتغاضى وادوس على نفسي علشان بنتي وارجع للمعلمه واصلح الموقف بشكل ودي . لكن ارجع اقول بكذا راح تحس انها معها الحق ويمكن تتمادى في تصرفاتها لان مافي شي يردعها .

بكره انشاء الله بروح المدرسه لكن والله ماني عارفه وش راح اقول ولا اسوي ,

الله يحلها ويسهلها من عنده .