السلام عليكم ورحمة الله وبركاته
انا عضوه جديده طبعا انا متابعه للمنتدى من زمان واحب هالمنتدى لما وجت فيه من عضوات يوزانون بذهب
بنات انا عندي مشكلة اريد منكم اجابة او نصيحه او توجية ما اعرف هل الوضع هذا صحيح او خطاء يمكن انا غلط يمكن اختي غلط ماااااااااااا اعرف :confused:
المشكلة ماهي في المشكلة عند اختي وزوجها
اختي متزوجه من 14 سنه اختي انسانه طيوبه حبوبه كاااااانت جميللللللللللللة بس حسافه راح الجمال من افعال زوجها حسبي الله ونعم الوكيل
زوجها انسان متسلط جبار قوي بخيل برغم ان وظيفته راتبها فوق العالي يعني الماديه ممتازه عنده علاقات نسائيه كثيررررررررررر وكم مره اكتشفته اختي اخر علاقه مع زوجه اخوه ؟؟؟؟
من تزوجه هوه مانعها من التلفون من الصاحبات من التلفزيون من المناسبات الزواجات ما عدى مناسبات اهله اجباري الحضور فيها
مناسباتنا زواجات اقاربنا ممنوع منع بات سوق ممنوع اغراض للعيد ممنوع مستشفى ممنوع قسم بالله العظيم انها توصل حد الموت من المرض ما يوديها اثاثها من تزوجة ما غيرت شي من الاثاث ما عاد مجلس الرجال مره وحده برغم من انها نقلت 3 مرات من الشقه يعني الاثات ما عاد يتركب اصلان قسم بالله ان مطبخها يحزن ارفف من دون ابواب لان الدولاب تكسر من النقل والفك والتركيب
اختي دايم تجي عند اهلي تشتكي منه وتبكي وامي تصبر فيها اخوي الكبير موعاجبة الوضع قلها اجلسي عندنا واحنا نتفاهم معه مو راضيه في الصيف كان زواج اخوي الصغير ما رضي يكسيها امي شرتلها ملابس ومارضي يوديها الكوفيره امي ودتها ما رضي يعطيها فلوس على شان هدية زواج اخوي امي اعطتها ما رضي يخليها تروح معنا لشبكة اختي انا دايم انصحها اقولها انتي غيري اسلوبك معاه اذا انتي خايفة تتركي بيتك انتي تغيري اخصريه طنشيه اختي اذا زعل تجري وراه الى ان يرضى تدور رضه وهو ما سأل عنها اذا مرض تجلس له ممرضه وطبيبه واذا مرضة قسم بالله العظيم ما يمدها بكاسه ماء كل مناسبة لازم تهديه هديه هو ما يعبر الهدايه اللى تجيبها تقولي يطالع فيها ويرميها على التسريحه ويخرج اختي ما تبغه يصرف ريال عليها وعلى اكلها وشربها ؟؟؟ قسم بالله تموت جوع ولا تكلف عليه بريال صامولي :icon810:وتخاصم عيالها اذا طلبو من ابوهم شي تقول لا تكلفو على ابوكم طيب ابوهم راتبه عشرين الف ريال في الشهر ومستأجر 15 الف في السنه وما عنده دين ليش ما تخلي العيال يعيشو صح ولدها الكبير يستحي يروح المدرسه من ثوبه
جوالها مكسر من عهد جوالات النوكيا مره ضاع جوالها في البيت وحصل الجوال ودسه وهي شهر تدور الجوال مو لاقيته وبعدين اكتشفة انه داسه عنها وفي العيد اشترتله جوال ب2500 طيب يا اختي اشتري لك انتي جوال :crap:
الزبده اختي تركظ وراح ركظ المشكله مو معبره مهملها مطنشها يقولها شكلك يسد النفس قومي عني ويتلفظ عليها الفاظ وسخه انقلعي واذا جات تتكلم معاه وتسولف يقلها انطمي يقول من وراها بتزوج طال الزمان ولا قصر وهي داريه عنه ومع هذا تدور راحته ورضاه لمال تشتكي لنا انا احاول معها انها تعيش حياتها وتطنشه اذا زعل خليه يزعل الى ان يرضى احقريه عامليه بالمثل وش فادك يومك اهتميتي فيه وهو حاقركي شكلها صار فعلا يسد النفس صارت هامله نفسها بشكل فظيع صارت كأنها بلها لا تاكل ولا تشرب ولا تستانس بشي هي تبغى تسوي الشي اللى يرضه واللى تاعبها ما حصلت الشي اللى يرضيه :confused:لان زوجها محتقرها واي شي تسويه ما راح يبين في عينه انا فهمتها هذا الشي بس ماهي راضيه تستوعب قالت لها اهتمي بشكلك غيري من نفسك اصبغي شعرك قصي غيري طريقة تعاملكي معاه كوني لك شخصيه مستقله عنه لاتصيري تابعه لو اذا زعل خليه يزعل اذا مرض خليه يمرض اذا راح خلي يروح عسه ما يرجع وش تنتظري منه الطيب ما يمشي مع هل الاشكال تزيني تجملي لنفسك
الى الان ماوصلت للمشكله هذي كلها مقدمه :08:
المشكله الان
ان اختي من شهرين اصابها مرض وهل المرض اثر سلبيا على نفسيتها يعني صارت تتخيل انها راح تموت في أي لحظه الى ان اصابها مرض الوسواس بالموت اختي اصبحت شبه مجنونه تتخيل اشياء مو موجوده يعني وصلت لحد الجنون انا واخواني وامي داريين بوضعها مو قادرين ندخل على شان لايصير مشكله مع زوجها ابوي قبل شهر درا بسالفه واخوي الكبر وطبعا حصل هواش بين امي وابوي على شان ابوي ماعنده خبر عنها ابوي ارسل اخوي الكبير للمنطقه للي ساكنه فيها على شان يجيبها اخوي يوم ىشاف اختي بغى ينجن نحفت لدرجة وصل وزنها 40 كانت في حاله يرثا لها من شهرين مريضه زوجها ما فكر يوديها المستشفى ولا على الاقل يجيبها عند اهلي اخوي شالها شيل من بيتها وجابها عند اهلي اهلي بدو يعالجوها وكأنها بدات تتحسن زوجها اخذ اجازه من دوامه وجا عند اهلي يتسنتر امي وابوي واخواني ما بيغو وجوده عندنا بصراحه لان ما وصل اختي هل المواصيل إلا هو المشكله اختي من جا عندنا وهي طوال الوقت معاه في الغرفه وتعتني فيه وتضيفة وتدور راحته وتتصل عليه برغم انها اصلا هي مو قادره تقوم بنفسها وعيالها ويوم تشوفه كأنها شافة الفرج :confused-وتقوله عن كل اللى يحصل في المستشفى لان ابوي ودها وما قله وش صار في المستشفى ابوي يقول اقوله وهو اصلا مو مهتم فيها ولا سأل عنها لو مهتم كان ودها وياخذها يمشيها و مسوي نفسه طيب وحنون وهذا كله تمثيل لان ابويا قال لاهله بنتي ما راح تخرج من بيتي اللين يكون لي تفاهم مع الكبير منكم والصغير وطلب مره من ابويا ان ياخذها معها وابوي هاوشه هوشه كبيره
الحين وضع اختي مع زوجها موعاحبنا كلنا:mad: امي ماسكه اخوي الكبير عنها يقول بضربها اللين تعرف ان الله حق وتفوق من اللي هي:024: فيه وهيا تقول احبه زوجي واحبه :confused: وابوي يقول بنتي تجري وراه اذا تكلمت مع الناس وبنتي ما وقفت صح معي كيف بيكون وضعي مع الرياجيل امي غسلت يدينها من اختي تقول خليها تروح بيتها الله يستر عليها ولا تجيني يوم تشتكي او مريضه واجلس اعالج فيها :(وانا اقول وش تبغي فيه وش باقي تنتظري منه بعد كل اللي سواه فيكي ليش ما تعزي نفسك شوي زوجك انسان ضعيف من جوا يوم شاف الجد مع ابويا قام يغير اسلوبه معاكي كملي معنا المشوار في العلاج لان علاجك باقي مطول واعتبري هالفتره نقاها لكي تعيدي فيها حساباتك من 14 سنه فاتت
ملاحظه اختي عمرها 31 يعني انسانه واعيه
وحياتها عند اهلي حياه فوق الممتاز يعني ما في شي يخليها تنفر من اهلي بالعكس حبوبين وطيوبين
الحين ابغى منكم حل نصيحه طريقه نتعامل فيها مع اختي
وابغى نصيحه لختي لاني راح اخليها تقراء ردودكم لعلها تسمع منكم اكثر من اهلها
وهل احنا غلط ولا زوجها غلط ولا اختي غلط
اتقبل ارائكم بصدر رحب
ريوف اخت ارجوان @ryof_akht_argoan
عضوة جديدة
يلزم عليك تسجيل الدخول أولًا لكتابة تعليق.
لاحول ولاقوة الابالله
اولا ياقلبي من واقع تجربه الرجال مايحب المراءة الضعيفه اللي يهينها وتجيله ركض ويحب المرءة المستقله بذاتها مادام يهينها كل داا العمر ولاهو راضي يتعدل والله الطلاق ارحم بكثير والله يكتب اللي فيه الخير لها
وخليها تدخل منتدى بلقيس بتلقى اشياء تفيدها كثير
وادا هي مااعزت نفسها مارااح يعزها ابدااا
اولا ياقلبي من واقع تجربه الرجال مايحب المراءة الضعيفه اللي يهينها وتجيله ركض ويحب المرءة المستقله بذاتها مادام يهينها كل داا العمر ولاهو راضي يتعدل والله الطلاق ارحم بكثير والله يكتب اللي فيه الخير لها
وخليها تدخل منتدى بلقيس بتلقى اشياء تفيدها كثير
وادا هي مااعزت نفسها مارااح يعزها ابدااا
al.maha
•
مايبيلها تفكير اختك اللي غلطانه
ماعليش اهتمي بزوجك وعامليه بمايرضي الله لكن تهملي نفسك هذا اكبر غلط
عيشي حياتك وغيري من نفسك واسكتي عنه ولا تدوريني رضاه دواره حتى يعرف قيمتك ويعرف انك انسانه
تبغي اللي يعاملك بأحترام وعطف وحنان نتيجة اللي تسوينه له والمفروض انه يحطك فوق راسه
الله ييسر لك ولي ولكل مؤمن
ماعليش اهتمي بزوجك وعامليه بمايرضي الله لكن تهملي نفسك هذا اكبر غلط
عيشي حياتك وغيري من نفسك واسكتي عنه ولا تدوريني رضاه دواره حتى يعرف قيمتك ويعرف انك انسانه
تبغي اللي يعاملك بأحترام وعطف وحنان نتيجة اللي تسوينه له والمفروض انه يحطك فوق راسه
الله ييسر لك ولي ولكل مؤمن
مضااوي.
•
ماشاء الله على أهلك وربي اتمنى يكون أبوي حي الله يرحمك يالغالي
مدري وش اقولك بس الراي لختك وهاذي حياتها بصراحه من الكلامك عن زوجها الله يعينها
ربي يوفقها ويكتب لها الخيييييير
مدري وش اقولك بس الراي لختك وهاذي حياتها بصراحه من الكلامك عن زوجها الله يعينها
ربي يوفقها ويكتب لها الخيييييير
اسمحيلي حبيبتي لا تزعلي
الشرهه على امك اللي قاعده تداري وتصرف ينقال ماتبغى مشاكل
وينها من اول ما علمت أبوك لين الرجال تمادى والله أختك لو ماتت ذنبها برقبتكم وأمك بالذات
اللي سواه أبوك عين العقل
وخلي أخوك يمسك العقال ويمحط زوج أختك عشان يعلمه ان وراها رجال وشغل الدنفسه ما يمشي عليه
ويقله ما كنت ادري باللي صار فيها والله لو ادري كان دفنتك من زمان
وأختك لا يضربها يكفي اللي جاها بس يعطيها دش حار من الكلام اللي يهز بدنها
ولا احد يكلم زوجها غيرررررر أبوك خلي أبوك بالواجه انتبهي امك او أختك تكلمه
قطع شين وقوي عين
الشرهه على امك اللي قاعده تداري وتصرف ينقال ماتبغى مشاكل
وينها من اول ما علمت أبوك لين الرجال تمادى والله أختك لو ماتت ذنبها برقبتكم وأمك بالذات
اللي سواه أبوك عين العقل
وخلي أخوك يمسك العقال ويمحط زوج أختك عشان يعلمه ان وراها رجال وشغل الدنفسه ما يمشي عليه
ويقله ما كنت ادري باللي صار فيها والله لو ادري كان دفنتك من زمان
وأختك لا يضربها يكفي اللي جاها بس يعطيها دش حار من الكلام اللي يهز بدنها
ولا احد يكلم زوجها غيرررررر أبوك خلي أبوك بالواجه انتبهي امك او أختك تكلمه
قطع شين وقوي عين
الصفحة الأخيرة
اختك اهانت نفسها كثير وتبي تهين نفسها اكثر غبائها وضعفها هو اللي خلاها كذا انساانه بدون قيييمه لابنظرها ولابنظر حتى زوجها
ولو انا مكان اخوك اعطيها كف اخليها تصحى على نفسها وتعرف انو اللي تسويه فيه مضرة لها وانا مااعرف ليش متمسكين بواحد *** ***مثل هذا ياحليلكم باقي لكم عند حيل للتفاهـم