بنات اسالكم الدعاء في هذه الايام الرجبيه المباركه ضايقه فيني الوسيعه

مساء العسل
اشلوونكم يابنات
حبيباتي مضايقه حيل وقلت مالي الا بنات حواء من بعد الله سبحانه اشكي لهم
بعد سنوات البطاله والهم ولله الحمد حصلت لي شغل لكني الحين رجعت اتمنى البطاله
والله لو ما محتاجه للشغل كان تركت الشغل وقدمت استقالتي سبحان الله ربي ما يقول شي الا فيه الخير والصلاح الله يعرف المرأه وضعفها لما حط القوامه بيد الرجال والنعم بالله
لكن والله اني محتاجه الشغل ولو اقدر استغني عنه كان تركته وانسحبت بكرامتي
دوامي يا طويلات العمر في شركه مرموقه لكن في اتعس قسم وهو خدمات الزبائن يعني مقابله الزبائن وتحمل صراخهم وغرورهم وعصبيتهم وتشرطهم وتفلسفهم والتعامل مع الفلوس وهذي بحد ذاتها نقطه كريهه وهي التعامل المباشره مع المال..
دوامي شفتات يعني خفارات ساعات صبح وساعات مساء
والله اني ماعندي حياه احتماعيه ابدا مادري عن العالم لان ساعات يكون دوامي بالليل يوم ليل ويوم صبح ,, مسكين ولدي والله كاسر خاطري الحين هو في سن في امس الحاجه لحنان امه , اما زوجي يبيها من الله لانه من قبل كله طالع وكله مجابل ربعه فالوضع مريحه عالاخر لانه مفتك من حنتي ويستانس بالاخص يوم الي دوامي المساء ..
يابنات والله ضايق خلقي من وضعي وشغلي مابي احد يقول لي فنشي لاني يعلم الله شكثر محتاجه هالشغل
ابيكم تدعون لي بالوظيفه الي يغبطني عليها اهل الارض يااارب ادعولي يابنات بوظيفه سنعه فيها دوام واحد واجازه يومين لان اجازتي يوم واحد فقط , ادعولي يااابنات ارجوكم بالوظيفه السنعه عاجلا غير اجلا
احنا في شهر فضيل شهر رجب ادعو لي ان مايدور الشهر الا وانا في شغله ثانيه احسن لاني مقدمه كذا مكان
انطر دعواتكم والي عندها رد جارح تحتفظ فيه لنفسها مو ناقصه