الله يجزاكم خيييييييييييييير

والله اني ادعي لكم معي في هذه الايام الفضيله ان ربي يحقق لكل وحده ماتتمنى

الله ييسر اموركم ويوفقكم

من رأيي يكون فيه طرف من اهلك وطرف من اهله وتتناقشون بالموضوع جميعا ويوضح اسبابه اذا الله كاتب الخير الحمدلله

أختي الكريمة

اللي تقول حديثة الزواج طبيعي يشك فيها زواجها ترى غلطانة

الزواج من البداية إذا ماصار على الثقة والصراحة والأخلاص وهي اساسيه لزواج ناجح

لكان زواج مو ناجح وماوراه الا وجع الراس


من البداية / حلف على كذب ومستحيل مستحيل مايدري إن له بنت واساسا مايطلق إلا هو بيكون عارف إذا هي حامل او لا

ترى الأمر مو عادي وحده تتطلق وتخبي خبر حملها عن الناس وزوجها ترى وراها مشاكل

وبعدين تقولين خاين ويلعب بذيلة والدليل تقفيلة للجوال وهو يشك فيك لأنه كلن يرى الناس بعين طبعه

أنا الصراحة ماشفت ولا شيء مميز فيه أو يستاهل الصبر عليه

وانتبهي تحملين منه قبل ماتتأكدين منه ترى بكره تندمين وتقولين مالي إلا الصبر علشان الهم

وتعيشين حياتك وأنتي ندمانه وعايشة في قهر وضيم

أنت فكري بينك وبين نفسك وش الايجابي فيه اللي يستاهل الاستمرار معاه

ولو فكرتي تغيرين فيه ومو شرط تقدرين وممكن تقدرين وفترة ويرجع لعادته وقتها بتعيشن حياتك علشان بس تحاولين تغيرين فيه


الزواج عشرة عمرك الباقي , الزواج استقرار نفسي وعاطفي
الحياة الزوجية جميلة والوحده المفروض تحس بالراحه والأمان
الحياة الزوجية مشاركين بين اثنين وكل شخص يكمل الثاني



لاتقولين كلمه مطلقة وعيب والمجتمع مايرحمها

العيب هو إن الوحده تسكت عن العيب علشان خاطر مجتمع وناس مادروا عنها ولا هم حولها ولا راح ينفعونها بشيء


هاذي حياتك انت , والطلاق أحله رب العالمين , والحياة مره وحده وأنت صاحبة القرار

تبين حياة تعيشين فيها معززة ومكرمه ومرتاحه أو حياة متعبة وماوراها إلا وجع الراس

أنت قابلة هو يخونك وفوقها يشك فيك , قابلة بكل اللي يسويه فيك ومستعده تصبرين وتتحملين هاذي حياتك


أنت فكري بعقلك وأتركي عواطفك على جنب شوفي وش الأفضل لك وش تبين بحياتك

وتذكري ترى هو مو الرجال الوحيد بالعالم , اللي خلقه خلق غير والله خلق وفرق


يعني لاتحطين في بالك حياتك متوقفه على هالرجال ومافي غيره


والله يوفقك

قومي الليل واستخيري والله يسهل لك

وش يبي من الحياة هذا؟؟

وضعه مب طبيعي..


تخيلي باقي حياتك كلها كذا..

لا أمان ولا استقرار ولا مصداقية..

واختاري..